Biskopstangare

Biskopstangare
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje tangarefûgels (Thraupidae) skaai blauwe tangaren (Thraupis)
soarte
Thraupis episcopus
Linnaeus, 1766
net bedrige
ferspriedingsgebiet

De biskopstangare (Thraupis episcopus) is in fûgelsoarte út de famylje tangarefûgels (Thraupidae).

Beskriuwing

Undersoarte út Kosta Rika mei mear blauwe wjukdekfearren.

De blaugrize tangare wurdt likernôch 16 sm lang. De fearren op 'e wjukken en oan 'e sturt ha helderblauwe rânen.

By fûgels fan Meksiko oant it noarden fan Súd-Amearika binne de dekfearren fan 'e wjukken ek skitterend blau, wylst oare ûndersoarten mear of minder kontrastearjende wite wjukdekfearren ha. Juvenilen binne doffer fan kleur.

Fersprieding

Biskopstangaren komme fan Meksiko oant Brazylje yn it leechlân fan tropyske gebieten foar.

Undersoarten

De biskopstangare wurdt yn 13 ûndersoarten ferdield:

• Thraupis episcopus cana – Súdeast Meksiko (San Luis Potosí) oant Noard-Fenezuëla en de Peareleilannen.
• Thraupis episcopus caesitia – Lâns de Karibyske kust fan West-Panama (Escudo de Veraguas).
• Thraupis episcopus cumatilis – op Coiba.
• Thraupis episcopus nesophila – meast eastlik Kolombia oant East-Fenezuëla en Trinidad.
• Thraupis episcopus berlepschi – Tobago.
• Thraupis episcopus quaesita – Pasifyske hellingen fan Súdwest Kolombia, West-Ekwador en Noardwest-Perû.
• Thraupis episcopus leucoptera – Eastlike hellingen fan 'e Andes yn Sintraal-Kolombia.
• Thraupis episcopus mediana – fan súdeastlik Kolombia oant noardlik Bolivia en noardlik Brazylje.
• Thraupis episcopus coelestis – tropysk súdeasten fan Kolombia oant Sintraal-Perû en it westlike Amasônegebiet yn Brazylje.
• Thraupis episcopus episcopus – Guyana en Noard-Brazylje.
• Thraupis episcopus caerulea – súdeastlik Ekwador en Noard-Perû (súdlik oant Huánuco).
• Thraupis episcopus major – Sintraal-Perû (Chanchamayo, Ica).
• Thraupis episcopus urubambae – súdeastlik Perû (Urubamba-delling en it streamgebiet fan 'e Amasône).

De ûndersoarte ehrenreichi wurdt ek faak ûnderskieden en libbet oan 'e rivier Purús yn Noardwest-Brazylje.

Status

Thraupis episcopus.

De soarte hat in tige grut ferspriedingsgebiet en der wurdt tocht dat de oantallen tanimme. De IUCN klassifisearret de fûgel dêrom as net bedrige (LC, 2021). De hiele populaasje wurdt op likernôch 50 miljoen fûgels rûsd (2016).

Boarnen, noaten en/as referinsjes:

Birdlife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Biskopstangare fan Wikimedia Commons.