Bisdom Erfurt

Bisdom Erfurt
Basisgegevens
Lân	Dútslân
Tsjerkeprovinsje	Paderborn
Biskopssit	Erfurt
Katedraal	Marijedom
Patroanhillige	Elisabeth, Bonifatius, Kiliaan
Hiemside	www.bistum-erfurt.de
Skiednis
Oprjochting	1994
Hierargy
Biskop	Ulrich Neymeyr
Statistyk
Oerflak	12.000 km²
Befolking	1.800.000 (31.12.2018)
Wêrfan katolyk	146.310 (8,1%) (31.12.2018)
Dekenaten	7 (2018)
Parochy's	34 2018)
Lokaasje bisdom Erfurt yn Dútslân.

It Bisdom Erfurt (Latyn: Dioecesis Erfordiensis) is in roomsk-katolyk bisdom yn Dútslân. It bisdom is in suffragaan bisdom fan it aartsbisdom Paderborn en omfiemet likernôch de dielsteat Tueringen. De biskopssit is de dom fan Erfurt.

Skiednis

Sint-Bonifatius stifte yn 742 in bisdom yn Erfurt. Dat bisdom waard lykwols al wer yn 755 opheft en by it bisdom Mainz foege. De iennige biskop fan dat bisdom wie Adalar.

Yn 'e tiid fan 'e Dutske dieling waarden yn 1973 mei in dekreet fan 'e Hillige Stoel de gebieten fan 'e bisdommen Fulda en Würzburg oan 'e East-Dútske kant fan it izeren gerdyn ûnder it nije biskoplike amt Erfurt-Meiningen ûnderbrocht. Juridysk bleaune dy gebieten lykwols ûnder de yn West-Dútslân lizzende bisdommen fallen. It biskoplike amt stie ûnder lieding fan 'e apostoalyske administrator Hugo Aufderbeck, dy't yn 1981 troch Joachim Wanke opfolge waard.

Op 8 july 1994 ferhefte paus Jehannes Paulus II mei de apostoalyske konstitúsje Quo aptius it biskoplike amt ta bisdom ûnder de tsjerkeprovinsje Paderborn. Paus Jehannes Paulus II wiisde mei de apostoalyske brief Fideles ecclesialis op 21 septimber 1994 de hillige Elisabeth fan Tueringen as haadpatroanhillige. Oare patroanhilligen fan it bisdom binne Sint-Bonifatius en Sint-Kiliaan. De earste biskop fan it bisdom waard de eardere apostoalyske administrator Joachim Wanke.

Biskoppen

• 1994–2012 Joachim Wanke
• 2014–0000 Ulrich Neymeyr

Ofbylden dy't by dit ûnderwerp hearre, binne te finen yn de kategory Bisdom Erfurt fan Wikimedia Commons.