Bisdom Breda

Wapen bisdom Breda

Gebiet bisdom Breda'

It bisdom Breda (Latyn: Dioecesis Bredana) is ien fan de sân roomsk-katolike bisdommen yn de Nederlânske tsjerkeprovinsje. De biskopssit stiet yn de Antoniuskatedraal yn Breda.

Skiednis

Op 22 maart 1803 waard it apostoalysk fikariaat Breda ynsteld as in ôfsplitsing fan it apostoalysk fikariaat De Bosk. In diel fan it aartsbisdom Mechelen waard yn 1853 tafoege oan it fikariaat, dat op 14 maart 1853 mei de weropbou fan de tsjerkeprovinsje omset waard yn in bisdom.

Katedraal

As katedraal tsjinne fan 1853 oant 1875 de neoklassisistyske Antoniustsjerke yn it sintrum fan Breda. It bisdom hie troch Pierre Cuypers in grutte neogoatyske krústsjerke bouwe litten oan de Prinsenkade, de Barbaratsjerke, dy't yn 1875 as katedraal yn gebrûk nommen waard. De Barbaratsjerke waard yn 1968 sletten en dêrnei ôfbrutsen en de biskopssit ferhûze nei de Michaeltsjerke yn it easten fan Breda.

Mei in pauslik dekreet krige op 1 novimber 2005 de Antoniustsjerke de status fan katedraal werom.

Patroanhillige

• Marije-Himelfeart

List biskoppen

Apostoalysk fikaris Breda
1803 - 1826	Adrianus van Dongen
1827 - 1853	Joannes van Hooydonk
Biskop fan Breda
1853 - 1867	Joannes van Hooydonk
1868 - 1874	Joannes van Genk
1874 - 1884	Henricus van Beek
1884 - 1914	Petrus Leyten
1914 - 1951	Petrus Hopmans	1945 - 1951: Joseph Baeten (koadjutor)
1951 - 1962	Joseph Baeten
1962 - 1967	Gerardus de Vet
1967 - 1992	Huub Ernst
1994 - 2007	Tiny Muskens	2006 - 2007: Hans van den Hende (koadjutor)
2007 - 2011	Hans van den Hende
2011 - no (2020)	Jan Liesen

Keppeling om utens

• Bisdom Breda

Commons

Ofbylden dy't by dit ûnderwerp hearre, binne te finen yn de kategory Bisdom Breda fan Wikimedia Commons.