Biakflaggesturtiisfûgel

Biakflaggesturtiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai flaggesturtiisfûgels (Tanysiptera)
soarte
Tanysiptera riedelii
Verreaux, 1866
IUCN-status: gefoelich (hast bedrige)

De Biakflaggesturtiisfûgel (Tanysiptera riedelii) is ien fan 'e njoggen fûgelsoarten fan it skaai flaggesturtiisfûgels (Tanysiptera) út de famylje iisfûgels (Alcedinidae).

Beskriuwing

Museumeksimplaar Naturalis, Leien.

De Biakflaggesturtiisfûgel wurdt ynklusyf sturt 36 sm lang. De fûgel hat in reade snaffel, in lange wite sturt mei spatels, in wyt boarst, in wite búk en hat blauwe boppedielen mei in wite stút. De Biakflaggesturtiisfûgel hat in ljochtblauwe kroan en dy kleur rint troch oant op 'e rêch en de skouders. De ûnderkant fan 'e wjukken is swart. De soarte liket in soad op 'e gewoane flaggesturtiisfûgel (T. galatea)

Fersprieding en gebiet dêrt er libbet

De Biakflaggesturtiisfûgel is endemysk op it twillingseilân Biak-Supiori yn Yndoneezje. It biotoop bestiet út primêre reinwâlden mei hege beammen, mar se wurde ek yn sekundêr bosk oantroffen as dêr hege beammen binne.

Status

It ferspriedingsgebiet fan 'e soarte is lyts en it leefgebiet wurdt bedrige troch houtkap. Dêrfandinne bestiet der in kâns op útstjerren. Der binne gjin rûzings fan 'e grutte fan 'e populaasje. De soarte wurdt troch de IUCN op 'e Reade list klassifisearre as gefoelich. Op Biak is in boskreservaat ynsteld dêr't de fûgel foarkomt en de fûgels soe yn syn ferspriedingsgebiet noch algemien wêze.

Namme

De Biakflaggesturtiisfûgel waard yn 1866 troch Verreaux beskreaun. De wittenskiplike namme ferwiist nei J.G.F. Riedel, de assistint fan 'e residient fan Selebes, dy't yn 1866 de fûgel foar dat doel opstjoerde.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Biakflaggesturtiisfûgel fan Wikimedia Commons.