Berend Joukes Fridsma

	Berend Joukes Fridsma
	persoanlike bysûnderheden
nasjonaliteit	Amerikaansk
berne	15 jannewaris 1905
berteplak	Skearnegoutum
stoarn	12 oktober 2005
stjerplak	Grand Rapids
etnisiteit	Frysk
	wurkpaad
berop/amt	Heechlearaar
aktyf as	taalkundige, dichter, Frysk taalaktivist

Berend Joukes Fridsma (Skearnegoutum, 15 jannewaris 1905 - Grand Rapids (Michigan), 12 oktober 2005) wie in taalkundige en dichter.

Libben

De húshâlding Fridsma emigrearre yn 1910 nei de Feriene Steaten. Fridsma waard mei 29 jier lid fan de Fryske Krite 'Gysbert Japiks' yn Grand Rapids.

Fridsma wie heechlearaar Dútsk oan Calvin College yn Grand Rapids Michigan, fan 1956 oant 1970, grûnlizzer fan it Frysk Ynformaasjeburo (Frisian Information Bureau, 1943-1984), redakteur fan Frisian News Items en strider foar de Fryske saak yn Amearika. De aksje foar Fryslân is te begripen út Fridsma’s kristlike eftergrûn: it sykjen fan gerjochtichheid. Al ier lid fan it Kristlik Frysk Selskip hat er de Fryske Beweging breder opfette as allinne mar in taalbeweging.

Hy publisearre yn Fryske tydskriften en skreau oersjoggen fan Fryske literatuer yn Amerikaanske ensyklopedyen. Yn 1991 waarden syn oantinkens en in bondel fersen útbrocht.

Fridsma en in tal meistanners en syn ideële meistrider Lolle Piers de Boer pleiten yn 1943 by it Nederlânske regear yn Londen foar mear autonomy foar it Fryslân fan nei de Twadde Wrâldoarloch.

Sitaat

'De Friezen wurde krekt sa diskriminearre as de negers' ^[1]

Oar wurk

The place of the Frisians yn Dutch history (1928)
Twaklank: in mannich fersen, oarspronklik en oerset. (1991)
De nea ferbrutsen bân. 60 jier Fryske Aksje yn Amearika. Autobiografy (1991). De Tille, Ljouwert

Keppelings om utens

Oldest living Calvin College professor emeritus Fridsma dies at age 100. Tireless Frisian heritage promoter, Godutch.com, 7 novimber 2005 (Internet Archive).
Piebenga, Tjitte, Poëzij fan Bearend Fridsma: ynspiraasje troch argewaasje, Ljouwerter Krante, 6 desimber 1991.

Boarnen, noaten en referinsjes

Boarnen, noaten en/as referinsjes:

↑ Oanhelle yn Kousbroek, Rudy (1986/2008) De logologische ruimte : Opstellen over taal, s. 103. Amsterdam : Athenaeum Boekhandel Canon. ISBN 978 90 8964 002 4. (Google Books)

Brouwer, J.H., en oaren (red.), Encyclopedie van Friesland, Amsterdam: Elsevier 1958, Fridsma.

[1] Oanhelle yn Kousbroek, Rudy (1986/2008) De logologische ruimte : Opstellen over taal, s. 103. Amsterdam : Athenaeum Boekhandel Canon. ISBN 978 90 8964 002 4. (Google Books)

[1]