Beabuorstermole

Ut Wikipedy
(Trochferwiisd fan Babuorstermole)
Beabuorstermole
mûne / mole
De mûne yn 2012
De mûne yn 2012
lokaasje
lân Nederlân
provinsje Fryslân
gemeente Súdwest-Fryslân
plak Tsjerkwert
adres Beabuorren
koördinaten 53° 03' N 5° 29' E
bysûnderheden
type mûne muonts
funksje poldermûne
flecht 20 meter
boujier 1882
oare ynformaasje
eigner Stifting De Fryske Mole
monumintale status ryksmonumint
monumintnûmer 39431
Kaart
Beabuorstermole (Fryslân)
Beabuorstermole

De Beabuorstermûne is in poldermûne fan it type muonts by Tsjerkwert yn de gemeente Súdwest-Fryslân. De mûne stiet oan de Beabuorren, in streek mei in tal pleatsen bewesten Tsjerkwert.

Skiednis[bewurkje seksje | boarne bewurkje]

Yn it lêste fearn fan de 19e iuw waarden partikuliere wetterskippen gearfoege ta it Wetterskip Eksmoarre. De eardere mûntsjes dy't de ferskate polders bemeallen waarden yn 1882 ferfongen troch twa like grutte mûnen, in mûne oan de Eksmoarrefeart en de Beabuorstermûne. De mûne oan de Eksmoarrefeart waard yn 1913 troch de bliksem troffen en baarnde ôf.[1]

De troch mûnebouwer Gerben van Wierum út Jannum boude Beabuorstemûne bleau nei de bou fan in nij gemaal noch oant 1990 yn gebrûk. Yn de simmer fan 2014 hat in grutte renovaasje fan de mûne plakfûn.

Beskriuwing[bewurkje seksje | boarne bewurkje]

De achtkante Beabuorstermûne is in foarse muonts op mitsele fjildmuorren mei in flecht fan 20 meter. Yn de muorre fan de mûne sit ek in tinkstien dy't de stifting fan it Wetterskip Eksmoarre yn 1882 betinkt. It achtkant is dutsen mei laaipannen, wylst de houten kape mei sink ôfdutsen is. Tsjintwurdich bemealt de Beabuorstermûne de 320 ha grutte polder fan it eardere wetterskip Eksmoarre op frijwillige basis. De mûne moat ek by slimme wetteroerlêst de polder droech hâlde.

By de mûne stiet in mûnderswente dy't brûkt wurdt as eksposysjeromte. Eigener is de Stifting De Fryske Mole.

Sjoch ek[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: