Bûnte iisfûgel

Bûnte iisfûgel
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	rôldereftigen (Coraciiformes)
famylje	iisfûgels (Alcedinidae)
skaai	bûnte iisfûgels (Ceryle); Boie, 1828
soarte
Ceryle rudis
	Vieillot, 1819
	IUCN-status: net bedrige

De bûnte iisfûgel (Ceryle rudis) is in fûgel út de famylje fan 'e iisfûgels (Alcedinidae). De bûnte iisfûgel is ien fan 'e trije meast foarkommende iisfûgels. De oare twa soarten binne de gewoane iisfûgel en de wytkraachiisfûgel.

Skaaimerken

De bûnte iisfûgel is in 25 sm lange en 68 oant 110 gram swiere fûgel mei in swart-wyt fearrekleed. Mantsjes binne te ûnderskieden fan wyfkes troch in opfallende dûbele boarstbân, wylst it wyfke ien boarsbân hat, dy't boppedat ûnderbrutsen wurdt. Mantsjes en wyfkes ha in opfallende túf.

Fersprieding

Bûnte iisfûgels komme yn Afrika, dielen fan it Midden-Easten en Aazje foar en ha in grut ferspriedingsgebiet. Der binne fiif ferskillende ûndersoarten bekend:

C. r. syriacus: fan Turkije oant Israel en fierder oan súdwestlik Iran.
C. r. rudis: Egypte en Afrika súd fan 'e Sahara.
C. r. leucomelanurus: fan it easten fan Afganistan en Yndia oant Súd-Sina en noardlik Yndosina.
C. r. travancoreensis: súdwestlik Yndia.
C. r. insignis: East- Súdeast-Sina en Hainan.

It biotoop bestiet út kustgebieten, rivieren en sompen.

Gedrach

It is de iennige soarte iisfûgel dy't ek fier op 'e see te sjen is, mar se komme ek by swiet wetter foar. Fakentiden bidde se boppe it wetter en se litte har by it sjen fan in proai fertikaal as in pylk nei ûnder stoarte. Njonken fiskjes ite se ek kreefteftigen en grutte wetterynsekten.

Oars as oare iisfûgelsoarten foarmet de bûnte iisfûgel somtiden grutte groepen om op feilige plakken te oernachtsjen.

Nêst

It nêst wurdt yn steile modderbanken oan wetter boud en bestiet út in tunnel dat yn in keamer einiget. Meardere pearkes kinne yn itselde gebiet briede. Fûgels dy't net briede helpe by it grutbringen fan 'e jongen fan oare fûgels.

Status

De soarte wurdt troch de IUCN as net bedrige beskôge. It ferspriedingsgebiet is tige grut en allinne dêrom sil de soarte net gau útstjerre.

Keppeling om utens

Boarnen, noaten en referinsjes

Boarnen, noaten en/as referinsjes:

Sjoch foar boarnen en/of referinsjes op en:Pied kingfisher

Wikimedia Commons

Ofbylden dy't by dit ûnderwerp hearre, binne te finen yn de kategory Bûnte iisfûgel fan Wikimedia Commons.