Ayasofya Moskee (Snits)
De Ayasofya Moskee (Frysk: Hillige wiisheid) is in islamitysk gebedshûs fan de moslimmienskip yn de binnenstêd fan Snits.
Havenstrjitte[bewurkje seksje | boarne bewurkje]
De moskee waard op 10 maaie 1978 stifte en de Turkske feriening Atatürk makke oant 2010 gebrûk fan dizze moskee oan de Havenstrjitte. It gebou hie twa ferdjippings. De gebedsromte wie mei in gerdyn ferdield yn in manljus- en frouljusdiel. It gebedshûs waard brûkt as moetingsromte foar moslims út de hiele provinsje. Boppedat wiene yn de moetingsromte ferskate aktiviteiten foar de mienskip. Troch te min romte foar dy groeiende mienskip en it ferlet fan aparte romten waard it gebou yn 2011 sluten.[1]
Wigledaam[bewurkje seksje | boarne bewurkje]
Sûnt de sluting fan it gebou oan de Havenstrjitte makket de feriening gebrûk fan de eartiidske jeugdherberch Wigledaam.[2] Yn it nije gebou sitte ek in islamityske winkel en kapper.
| Boarnen, noaten en/as referinsjes: |
|
