Apollonia van Ravenstein

Ut Wikipedy
Springe nei navigaasje Springe nei sykjen
Apollonia van Ravenstein
High-contrast-camera-photo.svg model
persoanlike bysûnderheden
echte namme Apollonia van Ravenstein
nasjonaliteit Flag of the Netherlands.svg Nederlânsk
berne 12 augustus 1952
berteplak Geldrop (Noard-Brabân)
etnisiteit Flag of the Netherlands.svg Nederlânsk
reg. identiteit North Brabant-Flag.svg Brabânsk
wurkpaad
soarte model fotomodel, mannekên
jierren aktyf ±1970 – ±1995
offisjele webside
Apollonia van Ravenstein yn 'e IMDb

Apollonia van Ravenstein (Geldrop, 12 augustus 1952) is in rêstend Nederlânsk model en aktrise fan Brabânsk komôf. Hja belibbe har heechtijdagen yn 'e 1970-er en 1980-er jierren.

Libben en karriêre[bewurkje seksje | boarne bewurkje]

Van Ravenstein waard yn 1952 berne yn it Noardbrabânske Geldrop. Begjin 1970-er jierren makke se karriêre as model, en yn 1972 reizge se ôf nei de Feriene Steaten, dêr't se jierrenlang wurke. Har heechtijdagen duorren oant de ein fan 'e 1980-er of it begjin fan 'e 1990-er jierren.

As fotomodel wurke se gear mei fotografen as Norman Parkinson, Richard Avedon en Irving Penn. Fotoreportaazjes fan har ferskynden yn in ferskaat oan tydskriften, wêrûnder Vogue en Magazine Ambiance. Yn 'e Feriene Steaten krige se in eksklusyf kontrakt fan 'e Amerikaanske edysje fan Vogue. Behalven as fotomodel wie Van Ravenstein ek aktyf as mannekên yn moadeshows. Yn Nederlân rekke se by it grutte publyk yn 't earstoan fral bekend mei in reklamespotsje foar in bekend merk shampoo wêryn't se har eigen namme neamde.

Njonken har wurkpaad stoarte Van Ravenstein har yn 'e Feriene Steaten yn it nachtlibben fan 'e high society, dêr't se in ferskaat oan ferneamde persoanen mette. Sa hie se kunde oan 'e keunstner Andy Warhol, dy't har tekene. Ek hie se in relaasje mei sjonger Mick Jagger fan 'e Rolling Stones en soe se it bêd dield hawwe mei akteur Jack Nicholson.

Yn juny 1978 posearre Van Ravenstein neaken foar it neakenblêd Playboy. Yn 'e 1980-er jierren wie se út en troch njonken har modellewurk aktyf as aktrise. Sa fertolke hja de titelrol yn 'e film Seraphita's Diary, út 1980. Yn 1986 hie se in roltsje yn 'e troch Anton Corbijn regissearre fideoklip fan it nûmer Quiet Eyes fan 'e Golden Earring.

Datselde jiers hie Van Ravenstein har bekendste rol, as Yolanda Kruisman, de faam fan soan Johnnie (spile troch Huub Stapel), yn 'e satiryske komeedzjefilm Flodder, fan regisseur Dick Maas. Omreden fan har Brabânske aksint waard har dialooch yn dy film lykwols yn 'e postproduksje neisyngronisearre mei de stim fan Tanneke Hartzuiker.

Ein 1990-er jierren troude Van Ravenstein mei in kaptein fan in cruiseskip. Sûnt befart se de wrâldseeën oan syn side en fungearret se as gastfrou en tolk oan board fan 'e cruiseskippen fan 'e Holland-Amerika Lijn.

Filmografy[bewurkje seksje | boarne bewurkje]

Filmografy as aktrise
jier titel rol of funksje opmerkings
films
1980 Seraphita's Diary Seraphita
1984 Nothing Lasts Forever    Mara Hofmeier
1986 Flodder Yolanda Kruisman neisyngronisearre mei de stim fan Tanneke Hartzuiker

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: Bronnen en Bronnen, noten en/of referenties, op dizze side.