Antarktyske stirns

Antarktyske stirns
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift wilstereftigen (Charadriiformes) famylje seefûgels (Laridae) skaai wytstirnzen (Sterna)
soarte
Sterna vittata
Lesson, 1831
IUCN-status: net bedrige
ferspriedingsgebiet
briedfûgel      wintergast      stânfûgel      trekfûgel

De Antarktyske stirns (Sterna vittata) is in Súdamerikaanske fûgel út 'e famylje fan 'e seefûgels (Laridae) yn it skift fan 'e wilstereftigen (Charadriiformes).

Beskriuwing

De Antarktyske stirns is in middelgrutte wytstirns fan 41 sm lang mei yn it briedkleed in reade snaffel, reade poaten en in swarte mûtse. De boppedielen binne griis mei donkere punten en rânen oan 'e bûtenste fearren. De ûnderkant is ek griis, meastentiids mei in witige bân ûnder de swarte mûtse. De sturt is wyt.

Winterdeis is de fûgel witer, binne de poaten swart en is de snaffel minder read oant swart. De swarte mûtse is minder skerp ôftekene en de foarholle is wyt.

Fersprieding

De soarte briedt op in oantal eilannen yn 'e súdlike Atlantyske Oseaan, de súdlike Yndyske Oseaan en súdlik fan Nij-Seelân, mar hiel beheind op Antarktika sels. Nei de briedtiid migrearret er nei noardliker kriten oant súdlik Súd-Amearika en Súd-Afrika. De soarte wurdt ferdield yn twa groepen mei seis ûndersoarten, dy't op 'e folgjende plakken briede:

• de vittata-groep
  • Sterna vittata tristanensis– de eilannen Tristan da Cunha en Gough.
  • Sterna vittata sanctipauli – de eilannen Amsterdam en Saint-Paul.
  • Sterna vittata gaini – Súdlike Shetlandeilannen en it Antarktysk Skiereilân súdlik fan Marguerite Bay.
  • Sterna vittata vittata – Prins Edwardeilannen, Crozeteilannen, Kerguelen en de Heard en McDonaldeilannen yn 'e súdlike Yndyske Oseaan.
  • Sterna vittata bethunei – Stewarteilân, Snare-eilannen, Aucklandeilannen, Campbelleilannen, Macquarie, Bounty-eilannen en de Antypoaden.
• Sterna vittata georgiae – Súd-Georgje, Súd-Orkney-eilannen , Súd-Sandwicheilannen en Bouveteilân.

Status

De soarte hat in grut ferspriedingsgebiet en in grutte populaasje mei ûnbekende ûntwikkelling. Op basis fan dy kritearia kategorisearret de IUCN de soarte as net bedrige (Least Concern, 2018).

Boarnen, noaten en/as referinsjes:

BirdLife Ebird. Avibase. Commons Wikimedia Commons  Ofbylden dy't by dit ûnderwerp hearre, binne te finen yn de kategory Sterna vittata fan Wikimedia Commons.