Anno Houwing

Ut Wikipedy
Jump to navigation Jump to search

Anno Houwing (Wedde, 9 oktober 1905 - Ljouwert, 29 novimber 1983) wie in Nederlânske fersetstrider en plysjekommissaris fan Ljouwert yn de perioade 1946-1968.

Houwing begûn syn loopbaan yn 1925 by de gemeenteplysje Grins, dêrnei yn Hilfertsom en Assen. Waard yn 1940 beneamd ta ryksresersjeur by it parket fan de Prokureur-Generaal fan it parket fan Plysje by it Gerjochtshof yn Ljouwert. Hy naam ûntslach doe't hy troch de Dútse besetter nei Den Haach oerpleatst waard en belanne yn it Fryske ferset. Hy wurdt beskôge as geastlik heit fan it Feemgerjocht. Nei de oarloch waard hy beneamd ta kommissaris fan plysje yn Ljouwert. Yn dy funksje joech hy ûnder oare opdracht om in demonstraasje foar it Gerjochtshof yn Ljouwert mei hurde hân út elkoar te driuwen. In barren dat letter bekend stean soe as Kneppelfreed.