Amrita Sher-Gil

	Amrita Sher-Gil
	keunstner
	persoanlike bysûnderheden
berne	30 jannewaris 1913
berteplak	Boedapest (Eastenryk-Hongarije)
stoarn	5 desimber 1941 (28 jier)
stjerplak	Lahore (Britsk-Yndia)
	wurkpaad
wurksum as	skilder, portretskilder
streaming	Modernisme
	offisjele webside
	RKD-profyl

Amrita Sher-Gil (30 jannewaris 1913 - 5 desimber 1941) wie in Hongaarsk-Yndiaaske skilderes. Sy wurdt wol "ien fan 'e grutste avant-garde froulike keunstners fan 'e iere 20e iuw" neamd en in pionier yn 'e moderne Yndiaaske keunst. ^[1]

Biografy

Amrita Sher-Gil wie de dochter fan Umrao Singh Sher-Gil Majithia, in Sikh-aristokraat út 'e Pûndjaab, en Marie Antoinette Gottesman, in Hongaarsk operasjongster út in rike Joadske famylje. Sher-Gil waard al fan jongs ôf oan oanlutsen ta skilderjen en begûn mei acht jier mei formele lessen. Sy krige earst erkenning doe't se 19 jier wie, foar har oaljeferveskilderij Jonge Famkes út 1932. Sher-Gil portrettearre it deistich libben fan 'e minsken yn har skilderijen.

Sher-Gil reizge har hiele libben nei ferskate lannen, dêr't Turkije, Frankryk en Yndia by wiene, en hat dêrby swiere inspiraasje krigen fan prekoloniale Yndiaanske keunststilen en ek fan 'e hjoeddeiske kultuer. Sher-Gil wurdt beskôge as in wichtige skilder fan it 20e-ieuske Yndia, waans neilittenskip op itselde nivo stiet as dy fan 'e pioniers út 'e Bengaalske Renêssânse. Se mocht ek graach lêze en piano spylje. De skilderijen fan Sher-Gil binne hjoed-de-dei ûnder de djoerste fan Yndiaanske froulike skilders, hoewol't mar in pear minsken de kwaliteit fan har wurk erkenden doe't se noch libbe.

Yn 1941, doe't se 28 jier wie, in pear dagen foar de iepening fan har earste grutte solo-eksposysje yn Lahore, waard Sher-Gil slim siik en rekke yn koma. ^[2]^[3]Letter ferstoar se om middernacht hinne op 5 desimber 1941 en liet in grutte hoemannichte wurk efter. De reden foar har dea is nea fêststeld. In mislearre abortus en in dêrnei folgjende peritonitis binne foarsteld as mooglike oarsaken foar har dea. ^[4] Har mem beskuldige har dokter-man Viktor Egan derfan dat er har fermoarde hie. De dei nei har dea ferklearre Brittanje de oarloch oan Hongarije en waard Egan ynternearre as in fijannige frjemdling. Sher-Gil waard op 7 desimber 1941 yn Lahore kremearre.

Galery

Jonge famkes, 1932
Selsportret, 1930
Klára Szepessy, 1932
Hongaarsk sigeunerfamke, 1932
Trije famkes, 1935
Simmer, 1936
Bride's Toilet, 1937
Doarpssêne, 1938

Earbetoan

Sûnt 2008 is in krater op 'e planeet Merkuerius nei har neamd, Sher-Gil.

Literatuer

Ananth, Deepak (2007). Amrita Sher-Gil: An Indian Artist Family of the Twentieth Century. Munich: Schirmer/Mosel. ISBN 978-3-8296-0270-9.
Singh, Narayan Iqbal (1984). Amrita Sher-Gil: A Biography. New Delhi: Vikas. ISBN 978-0-7069-2474-9.

Wikimedia Commons

Ofbylden dy't by dit ûnderwerp hearre, binne te finen yn de kategory Amrita Sher-Gil fan Wikimedia Commons.

Boarnen, noaten en referinsjes

Boarnen, noaten en/as referinsjes:

↑ (in) Amrita Sher-Gil: Revolution personified (26 maaie 2015).
↑ (in) Great success in a short life | The Budapest Times. Argivearre op 24 January 2016. Oproppen op 14 maaie 2017.
↑ Amrita Sher-Gil: This Is Me, Incarnations: India in 50 Lives – BBC Radio 4. Argivearre op 31 December 2019. Oproppen op 14 May 2017.
↑ Truth, Love and a Little Malice, An Autobiography by Khushwant Singh Penguin, 2003. ISBN 0-14-302957-6.

[:0-1] (in) Amrita Sher-Gil: Revolution personified (26 maaie 2015).

[2] (in) Great success in a short life | The Budapest Times. Argivearre op 24 January 2016. Oproppen op 14 maaie 2017.

[3] Amrita Sher-Gil: This Is Me, Incarnations: India in 50 Lives – BBC Radio 4. Argivearre op 31 December 2019. Oproppen op 14 May 2017.

[4] Truth, Love and a Little Malice, An Autobiography by Khushwant Singh Penguin, 2003. ISBN 0-14-302957-6.

[1]

[2]

[3]

[4]