Amerikaanske markol

Amerikaanske markol
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	kraanfûgeleftigen (Gruiformes)
famylje	ralfûgels (Rallidae)
skaai	markols (Fulica)
soarte
Fulica americana
	Gmelin, 1789
	IUCN-status: net bedrige
ferspriedingsgebiet
	briedfûgel ; trekfûgel stânfûgel; wintergast ;

De Amerikaanske markol of Amerikaanske merkel (Fulica americana) is in fûgel yn it skaai markols (Fulica) út de famylje ralfûgels (Rallidae).

Ferskining

De fûgel hat in soad fan 'e ek yn Fryslân foarkommende (Euraziatyske) markol en is likernôch like grut. Op it folle lytsere skyld fan 'e Amerikaanske markol sit lykwols in readbrún plak. De snaffel is breder as dy fan ús markol en ha oan 'e ein boppe en ûnder in readbrún plak. De poaten binne gielgrien oan smoarch oranje, wylst de gewoane markol grize poaten hat. In oar ferskil is dat de Amerikaanske markol wite ûndersturtdekfearren hat. It fearrekleed fan mantsjes en wyfkes is itselde.

Fersprieding

De soarte komt yn in grut part fan Noard-Amearika foar, yn Sintraal-Amearika en lokaal yn 'e noardlike Andes. Der wurde twa ûndersoarten erkend:

Fulica americana americana: fan súdeastlik Alaska en Kanada oant Kosta Rika en West-Ynje.
Fulica americana columbiana: Kolombia. Yn noardlik Ekwador is de fûgel mooglik útstoarn.


Amerikaanske markol	Euraziatyske markol

Amerikaanske markol (wite ûndersturt)	Euraziatyske markol (swarte ûndersturt)

Hâlden en dragen

Amerikaanske markols ite knoppen, blêd, stangels fan wetterplanten, sied en ynsekten en oare lytse bistjes. Se foerazjearje op 'e grûn by it wetter of dûke yn it wetter nei planten. Briedende pearkes binne tige fûl yn it ferdigenjen tsjin ynkringers. It nêst bestiet út blêden en stangels en sit tusken begroeiïng yn it wetter of tusken leechhingjende tûken. Winterdeis foarmje se grutte groepen.

Status

Op 'e Reade list fan 'e IUCN wurdt de soarte as net bedrige klassifisearre. De grutte fan 'e populaasje wurdt op 7,2 miljoen folwoeksennfûgels rûsd, wêrfan't 5.500.000 yn 'e Feriene Steaten en Kanada.

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Amerikaanske markol fan Wikimedia Commons.