Menintingiisfûgel

Menintingiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai echte iisfûgels (Alcedo)
soarte
Alcedo meninting
Horsfield, 1821
IUCN-status: net bedrige

De Menintingiisfûgel (Alcedo meninting) is fûgel fan it skaai echte iisfûgels (Alcedo semitorquata) út de famylje iisfûgels (Alcedinidae). De soarte liket in soad op 'e gewoane iisfûgel. De fûgel is ferneamd nei in plakje oan 'e westlike kust fan Lombok.

Beskriuwing

De Menintingiisfûgel yn it Dehing Patkai Wildlife Sanctuary, Assam (Yndia).

Lykas de gewoane iisfûgel is de Menintingiisfûgel likernôch 15 sm lang. It ferskil is dat de Menintingiisfûgel djipper fan kleur. De búk is wat donkerder oranje en it blau op 'e wjukken en op 'e kop is ek donkerder blau.

Fersprieding

Lykas de measte soarten iisfûgels libbet yn 'e tropen fan Yndia oant Yndoneezje op it eilân Lombok. De Menintingiisfûgel komt meastentiids foar oan rivieren en beken fan it leechlânreinwâld, mar ek yn sompen en mangrovebosken oan 'e kust.

Undersoarten

Der wurde fiif ûndersoarten erkend:

• Alcedo meninting meninting: komt foar yn it suden fan Malakka, Borneo, it suden fan 'e Filipinen, it súdwestlike part fan Sûlawezy, de Sûla-eilannen, Sumatra, Java, Baly en Lombok.
• Alcedo meninting rufigastra: Andamanen.
• Alcedo meninting phillipsi: it suden fan Yndia en Sry Lanka.
• Alcedo meninting coltarti: it noarden fan Yndia oant yn Yndosina.
• Alcedo meninting cintillans: it noarden fan Malakka.

Status

De soarte hat in grut ferspriedingsgebiet, sadat de kâns op útstjerren lyts is. Hoe grut de populaasje is, is net bekend. De soarte komt nearne algemien foar en nei alle gedachten rinne de oantallen tebek. Dat tebekrinnen is net mear as 30% yn 'e 10 jier en sadwaande wurdt de fûgel as net bedrige klassifisearre op 'e Reade list fan 'e IUCN.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Menintingiisfûgel fan Wikimedia Commons.