Afrikaanske reuze-iisfûgel

Afrikaanske reuze-iisfûgel
mantsje wyfke
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai reuze-iisfûgels (Megaceryle)
soarte
Megaceryle maxima
Linnaeus, 1766
IUCN-status: net bedrige
ferspriedingsgebiet

De Afrikaanske reuze-iisfûgel (Megaceryle maxima) is in fûgel út de famylje iisfûgels (Alcedinidae).

Skaaimerken

De Afrikaanske reuze-iisfûgel wurdt 42 oant 46 sm lang en weaget 255 oant 426 gram. Mantsjes binne trochstrings swierder as wyfkes. De fûgels ha grutte donkergrize oant swarte snaffels. De fearren binne boppe donkergriis mei wite pjukkels. It mantsje hat in kastanjeread boarst en in wite búk mei donkere pjukkels en donkere bannen oan 'e flanken. By it wyfke is dat oarsom: sy hat in wyt boarst mei donkere pjukkels en in kastanjereade búk.

Fersprieding

Der wurde twa ûndersoarten erkend:

• M. m. maxima (Pallas, 1769): komt foar yn iepen lânskip fan Senegal eastlik oant it westen fan Etioopje en súdlik oant yn Súd-Angoala, Botswana en fral eastlik fan úd-Afrika.
• M. m. gigantea (Swainson, 1837): yn boskrike gebieten fan Libearia, Noard-Nigearia, Tanzania en bosrike gebieten fan Angoala.

Yn it oergongsgebiet komme mingfoarmen fan 'e ûndersoarten foar. De soarte komt yn meardere types lânskip foar as der mar wetter is, dus rivieren troch bosken of savanne's, langunes oan seekusten en riviermûningen, mar ek by dobben, foar in part opdrûge rivieren, yrrigaasjewurken en fivers. De fûgel komt oant in hichte fan 2300 m foar.

Iten

Folwoeksen fûgels ite krabben, fisken en kikkerts, dy't se dûkend fanôf in tûke boppe it wetter fange.

Status

De soarte hat in tige grut ferspriedingsgebiet, sadat de kâns op útstjerren lyts is. Alhoewol't der gjin rûzings binne fan 'e oantallen, wurdt der oannommen dat de soarte yn oantal tebekrint, mar net sa hurd dat de efterútgong boppe de 30% yn tsien jier útkomt. Dêrfandinne wurdt de fûgel op 'e Reade list fan 'e IUCN as net bedrige klassifisearre.

Keppeling om utens

• Birdlife
• Ebird
• Avibase

Boarnen, noaten en referinsjes

Boarnen, noaten en/as referinsjes:

Sjoch foar boarnen en/of referinsjes op nl:Afrikaanse reuzenijsvogel Commons Wikimedia Commons  Ofbylden dy't by dit ûnderwerp hearre, binne te finen yn de kategory Afrikaanske iisfûgel fan Wikimedia Commons.