Afrikaanske jakhalzen
| Afrikaanske jakhalzen | ||
 | ||
| De streekte jakhals (L. adusta) lofts en de sealjakhals (L. mesomelas) rjochts. | ||
| Taksonomy | ||
| ryk: | dieren (Animalia) | |
| stamme: | rêchstringdieren (Chordata) | |
| ûnderstamme: | wringedieren (Vertebrata) | |
| klasse: | sûchdieren (Mammalia) | |
| skift: | rôfdieren (Carnivora) | |
| ûnderskift: | hûndieren (Caniformia) | |
| famylje: | hûneftigen (Canidae) | |
| ûnderfamylje: | echte hûneftigen (Caninae) | |
| tûke: | echte hûnen (Canini) | |
| ûndertûke: | wolfeftigen (Canina) | |
| skaai: | Afrikaanske jakhalzen (Lupulella) | |
| Hilzheimer, 1906 | ||
| Soarten | ||
| ● Lupulella adusta ● Lupulella mesomelas | ||
| Ferspriedingsgebiet | ||
 | ||
| streekte jakhals (L. adusta) sealjakhals (L. mesomelas) | ||
De Afrikaanske jakhalzen (wittenskiplike namme: Lupulella) foarmje in skaai fan 'e klasse fan 'e sûchdieren (Mammalia), it skift fan 'e rôfdieren (Carnivora), de famylje fan 'e hûneftigen (Canidae), de ûnderfamylje fan 'e echte hûneftigen (Caninae), de tûke fan 'e echte hûnen (Canini) en de ûndertûke fan 'e wolfeftigen (Canina). Ta dit skaai hearre twa soarten: de streekte jakhals (L. adusta) en de sealjakhals (L. mesomelas), dy't allebeide yn Afrika besuden de Sahara foarkomme.
Etymology
[bewurkje seksje | boarne bewurkje]De wittenskiplike namme Lupulella is Latyn foar "wolfke", fan lupus ("wolf") mei de ferlytsjende suffiks -lella, ferlykber mei it Frysk "-ke" of "-tsje"
Taksonomy
[bewurkje seksje | boarne bewurkje]It skaai fan 'e Afrikaanske jakhalzen waard yn 1906 yntrodusearre troch de Dútske soölooch Max Hilzheimer. De Afrikaanske jakhalzen waarden lang beskôge as leden fan it skaai fan 'e hûnen (Canis), dêr't ek de wolf (Canis lupus) en hûn (Canis familiaris) ta hearre. It wie wol bekend dat de beide soarten nauwer oaninoar besibbe wiene as oan oare soarten hûnen, en dêrom waarden se yn it ûnderskaai fan 'e Afrikaanske jakhalzen (Lupulella) pleatst.
Mar yn 2017 kaam troch nij DNA-ûndersyk oan it ljocht dat de beide soarten eins genetysk safolle fan 'e oare hûnen ferskille, dat de Afrikaanske jakhalzen in monofyletysk komôf foarmje dat bûten de klade fan 'e hûnen (Canis), hyenahûnen (Lycaon) en Aziatyske wylde hûnen (Cuon) falt. Dat wol sizze dat de hyenahûn (Lycaon pictus) en de Aziatyske wylde hûn (Cuon alpinus) eins nauwer oan 'e wolf en de hûn besibbe binne as dat de Afrikaanske jakhalzen dat binne. Op basis dêrfan advisearre de Spesjalistegroep oangeande Hûneftigen fan 'e gesachhawwende Ynternasjonale Uny foar Behâld fan 'e Natoer (IUCN) om it ûnderskaai Lupulella yn rang te ferheegjen ta in selsstannich skaai.
Soarten
[bewurkje seksje | boarne bewurkje]
|
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
