Aartsbisdom Reims
| Aartsbisdom Reims | ||
 | ||
| Bisdomgebiet (donkerbrún) | ||
 | ||
| Basisgegevens | ||
| Lân |  Frankryk | |
| Biskopssit | Reims | |
| Katedraal | Notre-Dame | |
| Patroanhillige | Sint-Remigius | |
| Hiemside | catholique-reims.fr | |
| Skiednis | ||
| Oprjochting | ± 250 (bisdom) (aartsbisdom 748) (weroprjochting 1822) | |
| Opheffing | 29 novimber 1801 (Konkordaat fan 1801) | |
| Stifter | Sint-Sikstus (250) Paulus IV | |
| Hierargy | ||
| Aartsbiskop | Éric de Moulins-Beaufort | |
| Statistyk | ||
| Oerflak | 6931 km² | |
| Befolking | 610.580 (2023) | |
| Wêrfan katolyk | 92,7 % | |
| Dekenaten | 13 | |
| Parochy's | 67 | |
| Tal katoliken | 565.760 (2023) | |
 | ||
| Tsjerkeprovinsje (brún) | ||
It Aartsbisdom Reims (Latyn: Archidioecesis Remensis) is in metropolitaansk aartsbisdom fan 'e Roomsk-Katolike Tsjerke yn Frankryk. De aartsbiskop fan Reims hat fanâlds de titel Primas fan Gallia Belgica. It aartsbisdom omfiemet it departemint Ardennes en it arrondissemint Reims yn it departemint Marne. De tsjerklike provinsje Reims bestiet hjoed-de-dei njonken Reims sels út de suffragane bisdommen Amiens, Beauvais, Châlons, Langres, Soissons en Troyes.
Skiednis
[bewurkje seksje | boarne bewurkje]Aldheid en Midsiuwen
[bewurkje seksje | boarne bewurkje]It bisdom waard om it jier 250 hinne stifte troch de hillige Sikstus fan Reims. It krige in hiel foarname status yn it jier 496 (of mooglik letter), doe't biskop Remigius de earste kening fan 'e Franken, Klovis I, doopte. Hjirút ûntstie de iuwenlange tradysje dat de Frânske kenings yn Reims kroand waarden. Yn 748 waard Reims troch paus Sacharias ferheven ta in aartsbisdom.
Sûnt 1023 krigen de aartsbiskoppen ek de wrâldske macht oer it greefskip Reims, en yn 'e 12e iuw waarden hja ferheven ta pair van Frankrijk (Frânsk: Pair de France, in titel fan hege aadlike of tsjerklike titel foar in lyts, eksklusyf selskip fan 'e alderheechste fazallen fan 'e kening). De aartsbiskop krige as metropolyt in soad respekt en it rjocht om de kening te salvjen en te kroanjen yn 'e katedraal fan Reims. Sûnt de 13e iuw oant de Frânske Revolúsje waarden, op twa nei, alle Frânske kenings yn Reims kroand.
Revolúsje en Moderniteit
[bewurkje seksje | boarne bewurkje]
Under de Frânske Revolúsje waarden de wrâldske privileezjes en it prinsbisdom opheft. Ek de tsjerklike struktuer waard troch de nije machthawwers omsmiten. As gefolch fan it Konkordaat fan 1801 tusken paus Pius VII en Napoleon waard it âlde aartsbisdom Reims op 29 novimber 1801 opheft en it grûngebiet ferdield oer de bisdommen Meaux en Troyes.
By it Konkordaat fan 1817 waarden nije ôfspraken makke en op 6 oktober 1822 waard it aartsbisdom Reims troch de pauslike bul Paternae charitatis wer oprjochte. It grûngebiet waard doe sa ôfbeakene dat it de hiele Ardennes en in part fan 'e Marne omfieme.
By in grutte herstrukturearring fan 'e Frânske tsjerklike provinsjes yn 2002 ferlear Reims syn suffragane bisdommen Châlons en Soissons oan 'e provinsje Parys, mar yn 2008 krige it de hjoeddeikee provinsjale yndieling werom.
Katedraal en basilyk
[bewurkje seksje | boarne bewurkje]De biskoplike tsjerke is de wrâldferneamde Notre-Dame fan Reims, in masterwurk fan 'e hege gotyk. Njonken de katedraal hat it aartsbisdom noch in oar hiel wichtich geastlik sintrum: de romaansk-goatyske basilyk fan Sint-Remigius, dêr't it grêf fan 'e hillige Remigius leit en dêr't earder de hillige ampul mei de salvingsoalje foar de keningskroaningen bewarre waard. Beide gebouwen steane op 'e Wrâlderfgoedlist fan UNESCO.
| Boarnen, noaten en/as referinsjes: | ||
|
