Ynterfaasje
De ynterfaasje, (Ingelsk interface), is in keppelstik of in kompjûterprogramma, dat de funksje hat eat oer of om te setten. In keppelstik docht soks meganysk en in kompjûterprogramma troch bygelyks it iene koadeformaat yn it oare koadeformaat oer te setten.
Sichtber kompjûterje [bewurkje seksje]
In bysûndere ynterfaasje makket foar jo sichtber, hoefier't jo programma is. Hy set de fuortgong fan it kompjûterjen om yn tekst of byld. Sa wurke de ynterfaasje fan de earste bestjoeringsprogramma's, lykas DOS, noch mei tekst. Mar al rillegau kaam it bestjoeringsprogramma Windows mei it gebrûk fan finsters en byldkaikes.
Kompjûterspultsjes [bewurkje seksje]
Ek by kompjûterspultsjes is de ynterfaasje fan it grutste belang. Hoe fierder de ûntwikkeling fan de spultsjes giet, nammerste moaier wurdt de útfiering fan de ynterfaasjes. Ek by dy spultsjes giet it om in ynteraktive "skyl" fan it kompjûterprogramma.
