Wremen

Ut Wikipedy
Gean nei: navigaasje, sykje
Wremen
Wremen in CUX.svg
Sifers
Ynwennertal 1944 (31 desimber 2013)
Oerflak 25,16 km²
Befolkingstichtens 77 / km²
Hichte 2 m
Polityk
Lân Dútslân
Dielsteat Nedersaksen
Distrikt Cuxhaven
Boargemaster Heiko Dahl
Oar
Postkoade 27639
Tiidsône UTC+1
*Simmertiid UTC+2
Webside www.sglandwursten.de/
It gemeentewapen fan Wremen
Loftfoto fan Wremen (2013)
De haven mei strân, kamping en fjoertoer (2012)

Wremen is in gemeente yn de Dútske dielstaat Nedersaksen, yn it histoarysk Fryske Lân Woersten. De gemeente wie foar 1 jannewaris 2015 in dielnimmende gemeente fan de Samtgemeinde Lân Woersten yn 'e landkreis Cuxhaven. Op dizze datum is de gemeente tegearre mei de oare dielnimmende gemeenten Cappel, Dorum, Midlum, Misselwarden, Mulsum en Padingbüttel en de gemeente Nordholz weryndield ta de nije gemeente Woerster Noardseekust. Wremen telt 1.944 ynwenners. It plak leit oan de Noardsee justjes boppe de mûning fan de Wezer.


Skiednis[bewurkje seksje | boarne bewurkje]

Al fanôf de 1e iuw foar Kristus wie dêr bewenning op terpen yn it Lân Woersten. De terp Feddersen Wierde, tusken Wremen en Mulsum waard bewenne troch Saksen, dy't yn'e 5e iuw weilutsen. Nei it Folkeferfarren yn'e 5e iuw, waard it gebiet kolonisearre troch Friezen, dy't nije terpen opwurpen. Fan 1954 oant 1963 is yn dizze terpen en benammen yn Feddersen Wierde in grutskalich argeologysk ûndersyk dien. Dizze terpen wiene wol 4 hektare grut en 4 meter heech. Fanôf de 14e iuw waard yn Wremen it rjocht oer it Lân Woersten útsprutsen. Ut 1312 stamt in oarkonde wêryn neamd wurdt dat it in wichtige funksje yn de omkriten as tsjerkdoarp. De tsjerke stamt lykwols út rûn 1200 en is de âldste tsjerke yn it Lân Woersten. Oan it Wremer Djip waard in haven oanlein dy't ornearre wie foar fiskerij en in oanlisplak foar skippen, dy't de Wezer op en del farren. De Woerstfriezen wiene part fan de frije Friezen en fochten gauris tsjin it Aartsbisdom Bremen, dy't de Woerstfriezen ûnderwerpe woene. Yn 1517 waarden de Woerstfriezen ûnder lieding fan Tjede Peckes yn de Slach by it Wremer Djip ferslein troch in leger fan aartsbiskop Kristof fan Breunswyk-Luneboarch. Hjirnei ferlearen de Woerstfriezen harren frijheid.

Nijsgjirrichheden[bewurkje seksje | boarne bewurkje]

Wremen hat in stasjon fan it spoar tusken Cuxhaven en Bremerhaven. De folgjende besjenswurdichheden binne der yn Wremen:

  • Willehadi-tsjerke
  • Wremer Haven mei strân, kamping en fjoertoer Kleine Preuße
  • Museum foar waadfiskerij
  • Wremer Grille, in yt- en drinkynstelling mei wykliks in muzykfoarstelling.

Keppeling om utens[bewurkje seksje | boarne bewurkje]