Willem Tjerkstra

Ut Wikipedy
Willem Tjerkstra

Willem Tjerkstra (It Heidenskip, 15 augustus 1943) is in Frysk skriuwer.

Biografy[bewurkje seksje | boarne bewurkje]

Willem Tjerkstra is op 15 augustus 1943 berne as soan fan Bernardus Tjerkstra en Jacoba Fortuin, op It Heidenskip, op it skûtsje De twee gebroeders. Op syn 10e ferhuze er nei Terherne. Hy folge in oplieding ta ûnderwizer. Oant 1989 wie er aktyf as direkteur/ûnderwizer; it langst stie er oan basisskoalle De Ark yn Snits. Yn 1989 kaam er yn tsjinst fan It Mienskiplik Sintrum foar Underwiisbegelieding Fryslân yn Ljouwert, dêr't er him ta lei op it skriuwen fan Frysk lesmateriaal en fierder einredakteur wie fan Byntwurk en stikken levere oan de learlingeblêden Sjedêrrr!!! en De Holder.

Boekeskriuwer[bewurkje seksje | boarne bewurkje]

Yn 1986 debutearre Tjerkstra mei it histoaryske jongereinboek De wite kastanje. Yn syn wurk binne twa tema's dy't faak werom komme: minsken mei maatskiplike problemen en de Twadde Wrâldkriich. Yn sawat alle wurk pleatst Tjerkstra saken yn in histoarysk ramt. Yn 1996 makke hy tegearre mei tekener Luuk Klazenga it earste oarspronklik Frysktalige stripboek yn kleur: De reizen fan Tsjam. Yn 2003 is him foar de trijedielige histoaryske roman Ridder fan Snits de Gysbert Japicxpriis takend.
Yn 2019 ferskynde it earste diel fan de rige In Fryske Odysee. Anno 2021 binne binne der seis dielen fan útbrocht.

Bibliografy[bewurkje seksje | boarne bewurkje]

Romans[bewurkje seksje | boarne bewurkje]

  • Bline mosken (ferhalebondel, 1991)
  • Finzen yn bylden (1992)
  • Ridder fan Snits, diel I - Rom (1999)
  • Ridder fan Snits, diel II - Skuld (2000)
  • Ridder fan Snits, diel III - Boete (2001)
  • Snijpunten (2002)
  • Dokslepers (2005)
  • Mei Russyske Mystearjes - In Fryske Odysee (?)
  • Mei it Godsmysearje - In Fryske Odysee (?)
  • Mei it mistearje - In Fryske Odysee (2020)
  • Mysterieuze krêften - In Fryske Odysee (2021)

Berneboeken[bewurkje seksje | boarne bewurkje]

  • De wite kastanje (jongereinboek, 1986)
  • It fjoer fan de ûnmacht (jongereinboek, 1987)
  • De marsbosk (jongereinboek, 1989)
  • De oaljespinnen (1993)
  • De rie fan fjirtjin (jongereinboek, 1995)
  • De reizen fan Tsjam (stripboek, 1996)
  • De Alvestêdetocht fan Tsjam (stripboek, 1996)

Keppeling om utens[bewurkje seksje | boarne bewurkje]