Westfryske dialekten

Ut Wikipedy
Gean nei: navigaasje, sykje
West-Frysk taalgebiet

De Westfryske dialekten foarmje in groep nau besibbe Hollânske dialekten yn it noarden fan 'e provinsje Noard-Hollân, dy't fuortkommen binne út it Frysk en Westfrysk dat oarspronklik yn 'e lânstreek West-Fryslân en op 'e omlizzende eilannen sprutsen waard en it Hollânsk dat dy taal fan 'e ein fan 'e 13e ieu ôf ferkrong. Yn dizze dialekten binne noch altyd spoaren fan 'e Fryske substraattaal werom te finen.

Ta de Westfryske dialekten hearre:

Ek it no útstoarne Flylânsk, it dialekt fan it waadeilân Flylân heart ta de Westfryske dialekten.

Hoewol't der al ferskillen tusken dizze dialekten besteane, lykje se oer it algemien dochs sterk op inoar. In pear derfan wike wat mear ôf, lykas it Derpers, dat yn Egmond oan See sprutsen wurdt.

Nau besibbe oan 'e Westfryske dialekten binne it Saansk, fan 'e Saanstreek, en it Wetterlânsk fan 'e Noardhollânske Iselmarkust tusken Skarwâld en Durgerdam.

Troch de grutte ynfloed fan it Nederlânsk binne de Westfryske dialekten sûnt it begjin fan 'e 19e ieu sterk yn it neigean rekke. De measte fan 'e dialekten wurde no allinne noch yn 'e lichtste foarm sprutsen en guon binne hielendal útstoarn.