Wapedia

Ut Wikipedy
Gean nei: navigaasje, sykje
Wapedia.PNG

Fan augustus 2004 ôf sette Wapedia de ynhâld fan de Wikipedia oer foar draachbere apparaten as bûstelefoans en hânkompjûters (PDA's). In proxy-tsjinst bea de nijste ferzje fan alle artikels. Dat die er troch fan de opfrege siden de nijste ferzje yn in databank fêst te hâlden. Ien en oar soarge foar mear snelheid mei dochs de nijste artikels en foar minder ynlaad út en ferkear mei de Wikipedia-tsjinners. Mei't Wikipedia sels applikaasjes foar Android, iPhone and iPad makke hat, is der yn 2014 in ein kaam oan de tsjinst fan Wapedia.

Beskriuwing fan de applikaasje[bewurkje seksje | edit source]

  • Lange siden wurde yn parten ferdield om dy oan de smelle skermen fan bûstelefoans oan te passen.
  • Ofbyldings wurde nei de foar draachbere apparatuer geskikte resolúsje werombrocht.
  • In eigen rappe sykmasine, los fan Wikipedia, siket foar jo.
  • De Wapedia-ferzjes foar WML en de nijere XHTML Mobile sykje sels de bêste útfierfoarm foar de apparaten.
  • In soad talen - as der fraach nei is komme der mear. Sjoch by oare talen
  • Levering fan de nijste ferzjes fan de artikels.
  • In eigen artikeldatabank soarget foar optimale tsjinstferliening en grutte snelheid, sels as de Wikipedia-tsjinners net reägearje of net fluch genôch binne.
  • Brûkers hawwe mooglikheid de grutte fan ôfbyldings, de mjitte fan de startside ensfh. yn te stellen.