Uskwert

Ut Wikipedy
Gean nei: navigaasje, sykje
De tsjerke op de wierde
Stasjon Uskwert

Uskwert (Nederlânsk: Usquert) is in plak yn de gemeente Iemsmûn, yn de provinsje Grinslân.

Foar 1990 wie Uskwert it haadplak fan de gemeente mei deselde namme. Dat jier is it mei Warffum, Kantens en Hefshuzen opgien yn de gemeente dy't no Iemsmûn hjit.

Uskwert is it meast noardlike plak fan de rige wierden Westerwytwert, Middelstum, Toarnwert, Kantens, Eelswert, Rottum, Helwert, Kleasterwytwert en Uskwert, allegear op de eastlike igge fan de eardere Fivelboezem. It doarp wurdt fernijd yn de libbensbeskriuwing fan Liudger. Der is dan al in oratoarium, in kapel. Letter wie Uskwert seendtsjerke fan in proasdij.

Benoarden it doarp leit de Noardpolder mei it haventsje fan Noardpoldersyl. De skippen dy't dêr thús hearre, hawwe de letterkoade UQ (nei it Nederlânk: Usquert).

It eardere riedhûs fan Uskwert is yn 1930 boud troch Berlage yn de styl fan it rasjonalisme en is in ryksmonumint. It hat in toer mei twa klokken. Al by de bou fan de toer die bliken dat er net oan de estetyske easken foldie. Dit soe oplost wurde troch de toer wat heger te meitsjen. De oannimmer begrutte de ekstra kosten op fl. 1200,-. De gemeenteried fan Uskwert woe lykwols net ta de bûse en Berlage hat dit bedrach doe mar út eigen beurs beskikber steld.[1] De Feriening Hendrick de Keyser is sûnt 1990 eigner fan it pân. Yn 1991 waard it restaurearre.

De nôt- en pelmole Eva stamt oarspronklik út 1818 en is nei in brân op 'en nij boud.

Justjes bewesten Uskwert rint de Uskwertermear.

Eardere gemeente[bewurkje seksje | edit source]

De gemeente Uskwert bestie oant 1990 neist it haaddoarp út de doarpen en buorskippen: 't Bosk, De Streek, Noardpoldersyl, Waadwert en Westerhoarn.

Keppeling om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. Katalogus fan de útstalling Het Raadhuis van Berlage in Usquert. Grinzer Museum, Grins, 26.1-25.2.80