Unwaarsfûgel

Ut Wikipedy
Gean nei: navigaasje, sykje
Unwaarsfûgel
Larus canus in flight.jpg
taksonomy
Klasse: Aves (fûgels)
Skift: Wilstereftigen (Charadriiformes)
Famylje: Seefûgels (Laridae)
soarte
Larus canus

De Unwaarsfûgel (Larus canus) is in 43 sm grutte fûgel út de famylje fan de Seefûgels. Hy hat wite fearren en de boppekant fan de wjukken is griis. De úteinen fan de wjukken binne swart-wyt, de snaffel en de poaten binne giel oant grien. Der is gjin ferskil tusken de mantsjes en de wyfkes. De Unwaarsfûgel kin sa'n 25 jier âld wurde.

De Unwaarsfûgel liket in soad op de Sulvermiuw, dy't folle mear foarkomt. De wichtichste ferskillen binne de giel-griene poaten, dêr't dy fan de Sulvermiuw rôze binne, en de swarte eagen, dêr't de Sulvermiuw giele eagen mei in read rântsje hat.

Fersprieding[bewurkje seksje | edit source]

De Unwaarsfûgel komt foar yn Noard-Amearika, Europa en Aazje. Yn Europa leit syn briedgebiet yn Noard- en Midden-Europa, foaral om de Eastsee hinne. De Unwaarsfûgel komt yn Nederlân almeast allinich oan de seekust foar. Mei stoarmwaar lûke se lykwols nei it binnenlân; dat hat de fûgels harren namme jûn. By winterdei lûke de fûgels meast nei it suden, nei de Noardseekust en de Atlantyske kust.

De lêste jieren binne der yn Nederlân jierliks sa'n 6.000 briedpearen. Op it Nederlânsk diel fan'e Noardsee wurde alle jierren likernôch 80.000 eksemplaren teld.

Fuortplanting[bewurkje seksje | edit source]

Jongen fan de Unwaarsfûgel.

De Unwaarsfûgels binne geslachtsryp at se trije jier âld binne. De Unwaarsfûgel briedt yn lytse koloanjes yn de buert fan it wetter. It nêst wurdt makke op in droech keal plak op de grûn, dat de âlden in goed oersjoch hawwe. De nêsten lizze sa'n 5 oant 20 m út inoar. It wyfke leit meastentiids trije aaien yn it fan plantemateriaal makke nêst. De âlden briede de aaien tegearre yn 23-28 dagen út. It doarret dan noch 4-5 wiken ear't de jonge fûgels útfleane en harren sels rêde kinne.

Sjoch ek[bewurkje seksje | edit source]