Universiteit fan Cambridge

Ut Wikipedy
Gean nei: navigaasje, sykje
Universiteit fan Cambridge
Wapen fan de Universiteit fan Cambridge
Wapen fan de Universiteit fan Cambridge
Latynske namme Cantabrigia (Cantab.)
Motto Hinc lucem et pocula sacra
Plak Cambridge
Lân Ingelân
Oprjochte om 1209
Type Iepenbier ûnderwiis
Rektor Prof. Leszek Borysiewicz
Tal studinten 18.271 (2014)
Tal meiwurkers 5.999 (2012)
Netwurken Coimbra, EUA, IARU, LERU, Russellgroep
Webside webside

De universiteit fan Cambridge is in universiteit yn de Ingelske stêd Cambridge. It is de twads-âldste universiteit yn de Ingelsksprekkende wrâld (nei de Universiteit fan Oxford), en de sânde nei âldens yn de wrâld.

Skiednis[bewurkje seksje | edit source]

De universiteit fan Cambridge waard yn 1209 stifte troch gelearden út Oxford, wierskynlik studinten dy't it net fine koenen mei de pleatslike befolking; dat harren besluten die om te ferfarren. De Universiteit fan Cambridge en de Universiteit fan Oxford wurde tegearre ek wol ynformeel oantsjut mei Oxbridge. Sy hawwe neist oerienkomsten ek in lange skiednis fan rivaliteit.

De universiteit bestiet út 31, oant op sekere hichte, ûnôfhinklike kolleezjes dy't faak om in plein as gersfjild (court) hinne boud binne en dêr't studinten yntern wenje. Elts kolleezje is apart stifte troch in foarst, geastlike of begoedige boarger. Fan de 31 kolleezjes, binne der 3 dy't allinne froulju talitte en twa dy't allinne postgraduate-studinten oannimme, m.o.w. op masters- of doktoraatsnivo.

By gelegenheid fan it 800-jierrich bestean yn 2009 organisearre de universiteit dat jier in rige eveneminten om de universiteit en har meast ferneamde alumni (sa as John Milton, Sir Isaac Newton en Charles Darwin) hinne.

De útjouwerstûke fan de universiteit, de Cambridge University Press, is de âldste printer en útjouwer yn de wrâld en de twads grutte unversiteitsútjouwerij yn de wrâld.

Reputaasje[bewurkje seksje | edit source]

Op it mêd fan ûnderrjocht hat Cambridge in izersterke reputaasje. Neffens UCAS, it Ingelske systeem foar applikaasje fan studinten, binne Cambridge en Oxford de twa meast selektive universiteiten fan Ingelân. Der is in apart talittingsprogramma foar studinten dy't oan ien fan dy universiteiten studearje wolle.

Dat wurdt wjerspegele yn de kwaliteit fan it ûnderwiis en ûndersyk. Trinity College allinne al hat 36 Nobelpriiswinners ûnder har âld-studinten. In hiel Frankrijk binne dat sa'n 50. De hiele Universiteit fan Cambridge hat 65 Nobelpriiswinners opsmiten, mear as hokker oare universiteit yn de wrâld ek.[1]

Yn ranglisten fan de Britske oerheid út 2001 en 2008 waard Cambridge beide kearen oantsjut as de bêste universiteit fan Ingelân. De "Times Higher Education ranking" foar de bêste universiteiten fan de wrâld, sette Cambridge yn 2009 op it twadde plak, nei de yn it Amerikaanske Cambridge húsmanjende Harvard-universiteit.

De kolleezjes[bewurkje seksje | edit source]

Sicht op Clare College en King’s College Chapel
Sicht op Trinity College, Gonville and Caius College, Clare College en King’s College Chapel
Fakulteit Godgeleardens
Fakulteit Underwiis (it Donald Mcintyregebou)
Kolleezje Stiftingsjier
Christ’s 1505
Churchill 1960
Clare 1326
Clare Hall 1965
Corpus Christi 1352
Darwin 1964
Downing 1800
Emmanuel 1584
Fitzwilliam 1869 (as Fitzwilliam Hall)
Girton 1869
Gonville en Caius 1348
Homerton 1976
Hughes Hall 1886
Jesus 1496
King’s 1441
Lucy Cavendish 1965
Magdalene 1428
Murray Edwards (oant 2008 New Hall) 1954
Newnham 1871
Pembroke 1347
Peterhouse 1284
Queens’ 1448
Robinson 1979
St Catharine’s 1473
St Edmund’s 1896
St John’s 1511
Selwyn 1882
Sidney Sussex 1596
Trinity 1546
Trinity Hall 1350
Wolfson 1965
Great Court fan 'Kings College

Keppeling om utens[bewurkje seksje | edit source]


Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. De Ingelsktalige wikipedia jout 65, de Nederlânsktalige 82 en de Frânsktalige 88 Nobelpriiswinners