Tsjom

Tsjom


Flagge	Wapen

Gemeente

Frjentsjerteradiel

Ynwennertal (2003)

1167

Webstee

Webstek Tsjom

Tsjom (2009)

Tsjom is in terpdoarp yn de gemeente Frjentsjerteradiel, trije kilometer súdlik fan Frjentsjer, mei 1.167 ynwenners (31 desimber 2003).

Ynhâld

1 Geografy
- 1.1 Ferbinings
- 1.2 Buorskippen
2 Gebouwen
- 2.1 Tsjerke
- 2.2 Mûnen
3 Mienskip
4 Strjitten
5 Sjoch ek
6 Boarnen, noaten en referinsjes

Tsjom hat nei it suden fia de Wommelser Wei ferbining mei Wommels, en nei it noarden fia de Frjentsjerter Wei mei Frjentsjer. De Nijbuorster Wei nei it easten jout ferbining mei Winsum. Tsjom leit east fan de De Tsjommer Feart dy't nei it noarden by Frjentsjer yn it Van Harinxmakanaal útkomt, en yn it suden by Hemert yn de Harnzer Feart. De Aldmear foarmet nei it easten de ferbining mei de Frjentsjerter Feart.

[bewurkje seksje] Buorskippen

Tsjom hat in grutte himrik, dêr't ferskate buorskippen yn lizze. Under oaren de buorskippen Fâltum, De Flearen, Holpryp, Koum, Laakwert, Tolsum en Tritsum wurde ek ta Tsjom rekkene.

[bewurkje seksje] Gebouwen

[bewurkje seksje] Tsjerke

Tsjom hat in hege, en hieltiid noch grutte terp, mei in tsjerke, in Johannestsjerke, mei in opfallende toer. De toer, út 1548, is 72 meter heech, dêr't de spits 41 meter fan is, en is dêrmei de heechste doarpstoer yn Fryslân. Der binne al stêdstoeren dy't heger binne. Sa is bygelyks de toer fan 'e Bonifatiustsjerke yn Ljouwert, fan likernôch 1880, sels 85 meter heech.

De bynamme fan de Tsjommers, Lyntsjesnijers, hat ek mei de toer te krijen. Neffens it ferhaal soenen lju fan Aldeboarn besocht hawwe de toer fan Tsjom op te mjitten, mei it doel in noch hegere toer bouwe te kinnen en dêr mei te pronkjen. Fan de line dy't de lingte oanjoech sniene de Tsjommers lykwols in stik ôf, dat doe't Aldeboarn in toer boud hie dy't heger wie as de line lang wie, wie dy dochs lytser as dy fan Tsjom.

[bewurkje seksje] Mûnen

Tichtby Tsjom stean twa spinnekopmoles: Fatum en Teatlum.

[bewurkje seksje] Mienskip

Tsjom hat in eigen feriening foar Doarpsbelang. Doarpshûs De Moeting stiet oan de Nijbuorsterwei. Buertferienings binne Foar de Toer, De Knikkeraaars, Slotriclub, Smiwofa, Tusken Terp en Wetter en It Bildtlân. Basisskoalle fan it doarp is de Staetlânskoalle, 't Hummelhonk it pjutteboartersplak. It doarpskrantsje fan Tsjom hjit Op'e Hichte.