Tsjibbe Gearts van der Meulen
Tsjibbe Gearts van der Meulen ( Burgum, 6 maaie 1824 - 16 maart 1906 ) ( Meast Tsjibbe Gearts neamd) wie in Fryske skriuwer en fierder klokmakker, post, drukker, redakteur en útjouwer fan de Burgumer Courant.
Ynhâld |
[bewurkje seksje] Wurk
Tsjibbe Gearts wie in echte folkskriuwer. Hy skreau toanielstikken en kluchten, foardrachten, epigrammen, ferhalen, sangboekjes, oratoariumteksten en noch folle mear. Mei syn freon Waling Dykstra makke er stikjes foar de Winterjûnenochten 1860-1862.
Tsjibbe Gearts kin karakerisearre wurde as in romantikus, wat nayf, mei in boartlike geast. Syn stikjes hingje oer nei it groteske en hy hie in grutte ferearing foar de adel. Polityk wie er it liberalisme it neist en nige er nei de Ferljochting. Hy mocht graach de de nearzige ortodoksy de gek oanstekke. Hy makke in reis nei de Feriene Steaten en hat dêr wiidweidich ferslach fan dien; hy stipe emigraasje.[1]
As sjoernalist wie er sybjektyf (wat doetiids net sa frjemd wie) mei in protte each foar detail, sa at bygelyks bliken docht út syn 'Nei s'Gravenhage yn July 1905', dêr't er sels it kapsel fan guon politisy yn beskriuwt. [2]
[bewurkje seksje] Bibliografy
- Tryntsje Rommelpôt (1850)
- Myn suchten en myn sangen (1859)
- Mâl út, mâl thús ( klucht, 1859)
- Fan De Wylp nei Ljouwert en fan Ljouwert nei de Wylp (1861)
- Foardrachten yn rym en ûnrym (1864)
- Moaie blommen fan ús Fryske Letterkroane (1880)
- Jan en janke ( operatekst 1897)
- De reis nei de Jichtmasters (1898).
- It measte fan syn wurk is samle yn it 700 siden tellende "Ald en Nij", yn 1908 postúm útjûn troch syn soan Wigger Arnoldus van der Meulen (Burgum, 28 novimber 1866 - Ljouwert, 23 augustus 1936).
De folsleine list publikaasjes is fia de auteursnamme te finen op de site fan Tresoar.
| Boarnen, noaten en/as referinsjes: |
