Tsjerke fan Skuorregea
| Tsjerke fan Skuorregea | ||
| ||
| ||
| Lokaasje | ||
| provinsje |  Fryslân
| |
| gemeente |  It Hearrenfean
| |
| plak |  Skuorregea
| |
| adres | Tsjerkeleane 3 | |
| koördinaten | 52° 58' N 6° 7' E | |
| Tsjerklike gegevens | ||
| patroanhillige | ûnbekend | |
| Arsjitektuer | ||
| boujier | 1715 | |
| monumintale status |  ryksmonumint
| |
| monumintnûmer | 21179 | |
| Webside | ||
| PKN-gemeente Jobbegea-Skuorregea | ||
| Kaart | ||
  | ||
De Tsjerke fan Skuorregea oan de Tsjerkeleane 3 is in tsjerkegebou yn Skuorregea. De tsjerke is in ryksmonumint.
Skiednis[bewurkje seksje | boarne bewurkje]
Foar de reformaasje wiene Skuorregea en Jobbegea twa aparte parochy's en beide doarpen hiene doe ek in eigen tsjerke. Troch de fynst fan in 12e-iuwske sarkofaach by in pleats oan de bûtenwei (no de Skoatterlânskewei) wurdt der tocht dat Skuorregea yn alle gefallen doe al in tsjerke hân hat. Unbekend is oan hokker hilligen de twa eardere tsjerken fan de doarpen wijd wiene.[1]
De doarpen wiene earm en sa ek de preesters, dy 't fan earmoede ferhûzje moasten. Ek de twa tsjerken waarden brekfallich en sa fersochten de doarpen yn 1540 de parochy's gear te foegjen en op de mienskiplike doarpsgrins in nije tsjerke te bouwen. De doarpen krigen al gau tastimming fan 'e biskop, mar ynearsten waard noch ien fan beide tsjerken brûkt, want it duorre noch oant 1579 dat de nije tsjerke boud waard. Dat wie ien jier foar de ynfiering fan de reformaasje yn Fryslân. In wijing fan it gebou troch de biskop hat net mear plakfûn.[2][3]
As ferfanging fan dy tsjerke waard yn opdracht fan 'e Skoatterlânske grytman Martinus (de Blocq) van Scheltinga (gevelstien boppe yngong) yn 1715 in nije sealtsjerke mei trijesidich sletten koar en rûnbôgefinsters boud. Yn 1910 waard in houten geveltoer op de westlike kant tafoege. Dy kaam yn it plak fan 'e klokkestoel dy't earder by de tsjerke stie.
De tsjerke fan Skuorregea is sûnt 1972 eigendom fan Stichting Alde Fryske Tsjerken. De tsjerke wurdt brûkt foar gearkomsten, eksposysjes en rou- en troutsjinsten. Ut en troch brûkt de PKN de tsjerke.
Ynrjochting[bewurkje seksje | boarne bewurkje]
Yn 'e tsjerke stiet in preekstoel út it begjin fan'e 18e iuw (mei in wynmole op it rêchsket) en wandbuorden fan grytman Daniel de Blocq fan Scheltinga. It raam mei brânskildere glês is yn 2010 makke troch Karel van der Wal as geskink fan de bern fan Johan Molenaar. Yn de tsjerke binne gjin tsjerkebanken mear oanwêzich.
Oargel[bewurkje seksje | boarne bewurkje]
In tsjerkeoargel hat de tsjerke nea hân. Hjoed-de-dei stiet der in restaurearre kammenetoargel, dat eartiids yn 'e tsjerke fan Teridzert stie.
Sjoch ek[bewurkje seksje | boarne bewurkje]
| Boarnen, noaten en/as referinsjes: | ||
|
