Trekker (lânbou)

Ut Wikipedy
Gean nei: navigaasje, sykje
Massey Fergusson 6490 Dynashift

In trekker is in ferfiermiddel dat spesjaal ûntwikkele is foar gebrûk yn de lânbou, mar no oeral foar brûkt wurdt. It wurd 'tractor' (ôflaat fan it Latyn: trahere dat "lûke" betsjut) is in algemiene omskriuwing foar in reau dat eat lûke, triuwe of slepe kin wat gjin eigen oandriuwing hat.

Oer it generaal binne de eftertsjillen grutter as de foartsjillen. Hjirtroch kin in trekker better ride yn it fjild. Troch it brûken fan dûbellucht, ofwol 2 pear eftertsjillen, kin de tsjildruk minder wurde. Hjirtroch krijt de trekker mear skrep en sakket/drukt dizze minder yn de grûn. Tsjintwurdich wurde faker ekstra brede bannen brûkt, oant sels in meter breed, om de druk te ferminderjen. Mear druk betsjut mear ynspoaring en skea oan de grûnstruktuer of it gewaaks, dêrom wurdt dit safolle mooglik mijd.

Skiednis[bewurkje seksje | edit source]

Trekkers makken opgong oan de ein fan de 19e ieu. Sy waarden doe meast troch stoommasines oandreaun. Begjin 20e ieu waard oergien op ferbaarningsmotors; yn Europa meast op dieselmotors en yn Noard-Amearika ek in protte op benzinemotors, dy't faak ek gaadlik wienen om op kerosine te riden. Kerosine hat lykwols in folle hegere ûnstekkingtemperatuer as benzine. Dêrom kinne ditsoarte motors, at de motor kâld is, allinne mar starte op benzine. At de motor waarm is kin oerskeakele wurde op petroalje (kerosine). By it útsetten fan de motor moat op'e tiid oergien wêze op benzine, om letter wer mei in kâlde motor starte te kinnen.

Foarskriften[bewurkje seksje | edit source]

Der jilde ferskate regels foar de trekker as ferkearsdielnimmer. In trekker mei net bestjoerd wurde troch persoanen jonger as 16 jier en 16- of 17-jierrigen moatte in trekkerrydbewiis hawwe. Folwoeksenen (18+) hawwe gjin riidbewiis nedich.

Keppeling om utens[bewurkje seksje | edit source]

Wikimedia Commons Dit materiaal is beskikber by Wikimedia Commons as Tractor en wurdt mooglik ek brûkt by oare Wiky-projekten.