Tetman de Vries
| Tetman de Vries | ||
 artyst en/of kabaretier
| ||
| persoanlike bysûnderheden | ||
| echte namme | Tetman de Vries | |
| nasjonaliteit |  Nederlânsk
| |
| berne | 1 maart 1915 | |
| berteplak | Bitgummole | |
| stoarn | 13 july 1988 | |
| stjerplak | Ljouwert | |
| etnisiteit |  Frysk
| |
| wurkpaad | ||
| wurksum as | kabaretier | |
Tetman de Vries (Bitgummole, 1 maart 1915 - Ljouwert, 13 july 1988) wie in Fryske kabaretier en revuskriuwer. Hy foarme mei syn twillingbroer Jarich de Vries it selskip Tetman en Jarich. Hy skreau sels de stikken en kabaretprogramma's en fierde dy yn it earstoan mei syn famylje op, letter hast ek altyd mei syn frou, Miene (Wilhelmina de Vries-Ganzinga). Underwerpen yn harren stikken wiene, neist it boerelibben, aktuele en soms licht filosofyske tema's.
Yn 1935 waard Tetman winkelsjef by it koöperative "Excelsior" yn Ljouwert. Doe't de revustikken hieltiten mear súkses krigen waard er 1947 beropsartyst. De grutte trochbraak komt mei de revu "De tiid hâldt gjin skoft", in opdracht fan it Bitgumer muzykkorps. De premiêre wie yn jannewaris 1944 en it waard dêrnei hast 1200 kear opfierd. Dêrnei folgen noch 23 Fryske revu's en kabarets, 17 gelegenheidsrevu's en 10 Nederlânske revu's. Dêr diene ek oare famyljeleden oan mei, letter benammen dochter Leny Dijkstra-de Vries en Klaas en Tine Westra.
Oant 1951 wie S.J. van der Molen pianist, Cor Huisman wie dêrnei oant 1963 muzikant en faak komponist.
Ek lettere artysten as Rients Gratama, Leo Dijkstra, Riek Landman en oaren, tefolle om allegear op te neamen, learden by Tetman en Jarich it fak.
Revu's[bewurkje seksje | boarne bewurkje]
- It kin raer biteare (1946)
- De tiid sil 't leare (1954)
- Omke Doeke komt út 'e hoeke (1962)
- De Wrâld is uzes mei elkoar (1966)
- Wy boartsje hjir mar in hoartsje (1968)
| Boarnen, noaten en/as referinsjes: |
|