Sophie Dee

Ut Wikipedy
Gean nei: navigaasje, sykje
Sophie Dee
Sophie Dee 2009.jpg
nasjonaliteit: Flag of the United Kingdom.svg Britsk
oare artystenammen: Sophie D, Sophie, Mary Beth,
Kirsty Hill, Toppie Lover
echte namme: Sophie Dee
etnisiteit: Flag of Wales.svg Welsk
berne: 17 jannewaris 1984
berteplak: Llanelli (Wales)
stoarn: n.f.t.
jierren aktyf: 2005 – no

Sophie Dee (17 jannewaris 1984), is in Britsk neakenmodel en pornografysk aktrise fan Welsk komôf, dy't yn it ferline ek wol gebrûk makke hat fan artystenammen as Sophie D, Sophie, Mary Beth, Kirsty Hill en Toppie Lover.

Sophie Dee yn 2013.

Libben[bewurkje seksje | edit source]

Sophie Dee waard berne yn it Súdwelske Llanelli, mar ferfear yn har iere tinerjierren mei har heit en mem nei Ingelân. Letter ferhuze it gesin werom nei Wales, dêr't se de middelbere skoalle ôfmakke. Dêrnei hie se in ferskaat oan banen, dy't útinoar rûnen fan servearster yn in kafee oant kolporteur dy't mei keapwaar by de doarren lâns gie. Nei ferrin fan tiid naam Dee in baan oan yn in stripklub yn Birmingham, dêr't se ek lapdances joech. Troch har wurk yn dy klub krige se in oanbod om topless te posearjen yn The Daily Sport, in Britsk bûlevaarblêd. Dêr hie hja sa'n súkses mei dat se oardel jier lang trochgean koe mei posearjen foar in ferskaat oan bûlevaar- en neakenblêden.

Yn jannewaris 2005 ferfear Sophie Dee nei de Feriene Steaten, dêr't se har nei wenjen sette yn Los Angeles, yn 'e steat Kalifornje. Se liet har búste fergrutsje fan in C-kup oant in DD-kup, en spile noch datselde jiers yn har earste pornografyske film. Sûnt hat se yn likernôch 410 pornofilms spile. Troch de jierren hinne hat se acht nominaasjes foar in AVN Award (de Oskars fan 'e pornowrâld) yn 'e wacht sleept, en yn 2011 wûn se twa Urban X Awards. Njonken har pornokarriêre spile Dee ek yn twa mainstream-horrorfilms (allebeide ûnôfhinklike produksjes): Theater of Derange en Unmimely Demise. Yn 2011 rjochte se in eigen webside op dêr't mainstream-films op resinsearre wurde, ûnder de namme ToplessMovieReviews.com.

Prizen en nominaasjes[bewurkje seksje | edit source]

Jier Priis Resultaat Kategory Foar har optreden yn
2008 Urban Spice Award nominearre bêste ynterrasiale stjer n.f.t.
2009 AVN Award nominearre bêste lesbyske groepsekssêne Squirt Gangbang 3
nominearre ûnderwurdearre stjer fan it jier n.f.t.
nominearre ynternetstjer fan it jier (foar ClubSophieDee.com) n.f.t.
2010 AVN Award nominearre bêste lesbyske triosekssêne Storm Squirters 6
nominearre ynternetstjer fan it jier (foar ClubSophieDee.com) n.f.t.
Xbiz Award nominearre pornostjerwebside fan it jier (foar ClubSophieDee.com) n.f.t.
2011 AVN Award nominearre bêste pornostjerwebside (foar ClubSophieDee.com) n.f.t.
nominearre ûnderwurdearre stjer fan it jier n.f.t.
Urban X Award wûn ynterrasiale stjer fan it jier n.f.t.
wûn bêste triosekssêne Dee's 3 Ways
2013 Xbiz Award nominearre bêste gonzosêne Pool Party at Seymour's 3
2014 AVN Award nominearre meast seksy kont n.f.t.

Keppelings om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.