Sjoerd Span

Sjoerd Span ( Koarnjum, 14 juny 1915 - dêre, 19 april 2001 ) wie boer en oprjochter fan it fierljeppen yn wedstrydferbân yn Fryslân.

Mei Lykle Miedema fan Winsum sette Span tusken 1956/1959 it wedstrydljeppen op. Hjirút is yn 1960 it Frysk Ljeppers Boun (FLB) ûntstien. Span wie foarsitter fan de FLK en FLB fan 1957 - 1975, dêrnei noch oant 1981 algemien bestjoerslid fan it FLB. Boppedat wie hy jierrenlang foarsitter fan it Bûn fan Fryske Fûgelwachten (BFVW) fan 1949-1975. Fierders in FNP-foaroanman, Steatelid yn it provinsjaal bestjoer fan Fryslan 1974-1975 foar de FNP. Ek hat er noch bestjoerslid west fan natoerbeskermingsorganisaasje It Fryske Gea.

Under syn lieding groeide it Bûn fan Fryske Fûgelwachten yn de fyftiger jierren út ta in door de massa droegen beweging, mei “fûgelwachten” op hast alle Fryske doarpen. Mei troch him waard fierljeppen fan folkloare in sport. It fierljeppen is ûntstien fanút de BFVW, op 27 april 1957 joech de Algemiene Gearkomst yn de Harmonie te Ljouwert it griene ljocht foar de earste wedstriidljepperij op 10 augustus 1957 yn Winsum. De earste wedstriid wie fuortendaliks in grut súkses en der kamen tûzenen minsken te sjen. Sjoerd Span wie de heit fan Roel Bokke Span, de legendaryske fierljepper, dy't yn de jierren sechtich acht kear Frysk Kampioen en ien kear Nederlânsk Kampioen (1972) waard.

Sjoch ek

• Span Award

Boarnen, noaten en referinsjes

Boarnen, noaten en/as referinsjes:

Fierljeppen yn Fryslân Kerst Huisman - Tusken Fryske dream en Nederlandse macht, 40 jaar FNP (2003) Klaas Jansma (m.m.f. Jelle Roorda) - De Grote Sprong,50 jaar fierljeppen (2006) , van Luuk van der Veen (2009) Luuk van der Veen - Bij leven en welzijn, fabrikant en ondernemer Lijkele Miedema Jasper Keizer - Sprong naar de overkant (1982)