Sigerswâld (Opsterlân)

Sigerswâld

Flagge Wapen
Gemeente	Opsterlân
Ynwennertal (2005)	875
Webstee	www.siegerswoude.org

Sigerswâld (Siegerswoude) is in doarp yn de gemeente Opsterlân, mei in lytse 875 ynwenners (2005). Sigerswâld is in lintdoarp. Sigerswâld hat har eigen kabelnetwurk, dat yn 1998 oanlein is. It doarp wurdt troch in wei en in feart yn twaën dield.

Sigerswâld hat twa tsjerken, in Kristlik Grifformearde en in Nederlânsk Herfoarme.

Tsjin Oerterp oan, oan De Mersken, leit de Mersker Heide.

Skiednis

De namme komt grif fan de eigennamme Siger en in bosk, dat grif in elzebroekbosk west hat. Troch de muontsen út it kleaster fan Smelle Ie waard hjir yn de Midsieuwen turf stutsen. Dy wurken en wennen yn in Úthôf op it Foarwurk. Yn ien fan de âldste akten dy't bekend binne, akkordearren se mei de boeren oer it kearen fan it wetter fan it Alddjip en de langte fan de ûngetiid. Om 1250 hinne is er yn Sigerswâld in tsjerke boud.

Yn 1744 is de Kompanjonsfeart groeven. Om 1950-'60 hinne is dy wer ticht smiten, yn deselde tiid dat de Mersken en in stik fan it Skar omset binne ta greide en boerelân.

Sigerswâld wie eartiids út trije parten opboud: Fryske Peallen, It Foarwurk en de Fryske Wylp. Fryske Peallen gie yn 1953 mei stikken fan Oerterp as selsstannich doarp fierder. Njonken dizze trije bewenne parten hat Sigerswâld ek nog twa lânlike parten: de Boerestreek en de Mjûmer.

Mienskip

Doarpshûs is de "Uthôf", hjir hat de feriening Doarpsbelangen út 1879 har gearkomsten.. Der binne fiif buertferienings: 'Foarút', 'Om de Waskmer', 'Klauwertsbrêge', 'Mei inoar Ien', 'Rûnom de skoalle'. It doarp hat twa skoallen: 'It Foarwurk' en 'de Foarikker'. 'It Bijehûs' is it pjutteboartersplak.

De aksje Vroeg op stap fan de froulju Gorter en Loonen út Sigerswâld hat tûzenen hantekens opsmiten. De froulju wolle foarelkoar krije dat de jongerein sneons betider jûns nei de disko giet. Besikers kinne op in ynternetside in petysje ûndertekenje. De hantekens sille oanbean wurde oan de Twadde Keamer.

Ferienings

Oan't 1929 wie der yn Sigerswâld in fuotbalferiening. Doe't dy nei Bakkefean ferhuze, waard kuorbalferiening G en O, oprjochte. Letter waard dat VKC (Voorwerker Korfbal Club).

• Ysnocht - iisklup
• Bêst Genôch - muzyk

Befolking

• 1744 - 122
• 1946 - 1511 (mei Fryske Peallen)
• 1954 - 1074
• 1959 - 983
• 1964 - 925
• 1969 - 880
• 1973 - 856
• 2005 - 875

Strjitten

Beakendyk, Binnenwei, Boskwei, Bremerwei, De Mersken, Dwarswyk, Foarwurk, Grinzerleane, Klauwertswei, Langpaad, Middenwei, Skieppedrift, Skoallelân, Taeiewyk, Uthôf, Van Akenwei, Van Houtenwei, Waskmerwei.

Van Aken wie in evangelist dy't ek in soad foar de earme heidsjers die en dy't yn 1922 de kristlike skoalle stifte.

Sjoch ek

• Fryske doarpen.

Keppeling om utens

• Webstee Sigerswâld.
• Webstee VKC.