Shane (pornografysk aktrise)

Ut Wikipedy
Gean nei: navigaasje, sykje
Shane (pornografysk aktrise)
Shane signing at CES.jpg
nasjonaliteit: Flag of the United States.svg Amerikaansk
oare artystenammen: gjint
echte namme: Shannon Hewitt
etnisiteit: Flag of the United States.svg Angelsaksysk Amerikaansk
berne: 16 desimber 1969
berteplak: Simi Valley (Kalifornje)
stoarn: n.f.t.
jierren aktyf: 19931999 &
20022004 & 2007

Shane, echte namme: Shannon Hewitt (16 desimber 1969), is in rêstend Amerikaansk pornografysk aktrise, pornoregisseur en produsinte. Neffens har offisjele opjefte is se 1.70 m, mei kupmaat 36C. Hja hat in boarstfergruttingsoperaasje ûndergien.

Libben[bewurkje seksje | edit source]

Shane waard berne yn 'e stêd Simi Valley, yn it suden fan 'e Amerikaanske steat Kalifornje, net fier fan Los Angeles ôf. Se gie nei de middelbere skoalle yn Lawndale. Yn 1993, doe't se 24 jier wie, makke se har debút yn in pornografyske film. Jierrenlang wurke se nau gear mei pornoprodusint, -regisseur en -akteur Seymore Butts, mei wa't se yn it echt ek in relaasje hie. Yn 1996 rjochte se har eigen pornografyske filmstudio op, ûnder de namme Shane's World, en sette se njonken har aktearwurk ek útein mei it regissearjen en produsearjen fan har eigen films, wêrûnder de bekroande gonzo-searje Shane's World.

Yn 1997 rekken Shane en Seymore Butts mei slaande rûzje útinoar. Datselde jiers noch, op 3 maaie, troude Shane mei de muzikant Bobby Fernandez-Hewitt, fan 'e band Orgy. Doe't se yn 1999 yn ferwachting rekke, loek se har út 'e pornoyndustry werom, en ferkocht se har filmstudio. De nije eigners besleaten de namme Shane's World te hanthavenjen, en de studio is noch altiten aktyf, al hat Shane der dus sûnt 1999 al neat mear mei te krijen.

Op 15 maaie 2000 kaam Shane en Bobby harren soan Gavin te wrâld, yn 'e simmer fan 2002 folge troch in twadde bern. Neitiid wie Shane fan 2002 oant 2004 wer aktyf as pornoaktrise, en letter makke se yn 2007 nochris in koart duorjende comeback foar de film Shane and Friends. Yn totaal spile se yn 89 pornofilms, al hie se yn mear as 40 dêrfan in net-pornografysk kameoroltsje. Fierders regissearre se 43 pornofilms. Mei har wurk wûn se ferskate prizen, wêrûnder in AVN Award (de Oskar fan 'e pornowrâld), en teffens waard se yn 2007 ynhuldige as lid fan 'e AVN Hall of Fame.

Prizen en nominaasjes[bewurkje seksje | edit source]

Jier Priis Resultaat Kategory Foar har optreden yn
1995 XRCO Award wûn ûnderwurdearre sirene (Unsung Siren) n.f.t.
1996 FOXE Award wûn froulike favoryt fan 'e fans n.f.t.
1997 FOXE Award wûn froulike favoryt fan 'e fans n.f.t.
XRCO Award wûn bêste gonzo-searje (foar Shane's World) n.f.t.
1999 AVN Award wûn Special Achievement Award (oeuvrepriis) n.f.t.
2005 AVN Award ynhuldige AVN Hall of Fame n.f.t.

Keppelings om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.