Sêge

In sêge (komt fan it Dutsk was gesagt wird) is in folksferhaal dêr't almeast in geografyske bysûnderheid of in boppenatuerlik ferskynsel yn ferklearre wurdt. It meastepart fan de sêgen giet oer spoeken, tsjoenderij, hekserij, wiersizzerij en oer boppenatuerlike wêzens lykas klopgeasten, wearwolven, ierdmantsjes (kabouters), mearminnen en boemannen. De ôfrin fan in sêge is faak somberder as dat fan in mearke.

Wat in sêge net is

Goaden komme meastentiids net foar yn in sêge. Soenen dy der al yn foarkomme dan is net mear in sêge, mar in myte. Krektsa is it mei libbensbeskriuwings fan hilligen, dat binne nammentlik legindes. Faak wurde sêgen ûnrjochtlik leginden neamd. Oars as by mearkes spilet in sêge him ôf yn in beskate tiid op in beskaat plak.

List mei Fryske sêgen

• De tolve asega's
• De trije bruorren
• Hessel Hermana
• It Frouke fan Starum
• It soldaatsje fan Barrahûs
• Kromme Knillis
• Magnus Forteman
• Sako Reinalda
• Rikst fan it Oerd
• Fan dae koningen Kaerl ende Redbad
• Okke Hel
• Wandasêge

Sjoch ek

• Oerlevering
• Leginde
• Myte
• Wikiwurdboek-side - sêge.
• Wikiboarne: Sealterfryske Sêgen