Rubikon
De Rubikon (Lat. Rubico, It. Rubicone) is in rivierke fan 29 kilometer lang yn de Italjaanske regio Emilia-Romagna, útmûnjend yn de Adriatyske See bij Ravenna.
Yn de tiid fan de Romeinske Republyk wie de Rubikon in grinsrivier tusken Latium, dat troch de Senaat bestjoerd waard, en de Romeinske provinsje Gallia Cisalpina. It wie yn de Romeinske wet fêstlein dat in generaal mei in steand leger de Rubikon net oerstekke mocht.
De rivier is bekend wurden doe't Julius Caesar en syn legioenen yn 49 f.Kr. de rivier súdwearts oerstieken neidat sy in gebiet ferovere hienen dat letter Gallia Transalpina hjitte soe. Troch dizze died ûnstie in breuk mei de Senaat en dêr't in steatsgreep net troch te fermijden wie. Caesar spriek by it oerstekken fan de rivier de yllustere wurden Alea iacta est (Latyn: de tearling is wurpen).
Oft de histoaryske Rubiko deselde is as de tsjintwurdige Rubikon is net mei hûndert prosint wissichheid te sizzen.[1]. De tsjintwurdige rivier krige har namme yn 1933, doe't by dekreet fan Benito Mussolini it plak Savignano nel Romagna him Savignano sul Rubicone neame mocht[2].
