Roc Books

Ut Wikipedy
Gean nei: navigaasje, sykje
Roc Books
Roc Books logo.png
algemien
nasjonaliteit Flag of the United States.svg Amerikaansk
type privaat
sektor útjouwerij
haadkertier New York (New York)
oprjochte 1990
oprjochter John Silbersack
eigner Penguin Group
offisjele webside
www.penguin.com

Roc Books is in bekende ymprint fan 'e ynternasjonale Penguin Group-útjouwerij as ûnderdiel fan harren Amerikaanske poat, dêr't romans en novellen yn 'e sjenres science fiction en fantasy ûnder útjûn wurde.

Dizze ymprint waard oprjochte yn april 1990, nei't Penguin-foarsitter Peter Mayer opdracht jûn hie oan John Silbersack, de haadredakteur fan it science fiction-programma fan 'e saneamde New American Library fan Penguin, om in nije ymprint te begjinnen dy't mear oandacht lûke soe foar de oanwêzigens fan 'e útjouwerij op 'e science fiction- en fantasymerk. De namme, dy't referearret oan 'e rok, de reuseftige mytyske rôffûgel fan it Arabysk Skiereilân, waard keazen fanwegen it feit dat Penguin al ferskate ymprints mei fûgelnammen hie, lykas Penguin ("pinguin"), Puffin ("seepappegaai"), Peregrine ("sljochtfalk") ensfh.

Nei't G.P. Putnam's Sons mei Penguin fúzjearre wie, is Roc Books lykstrekich opset mei de troch dy fúzje oernommen ymprint Ace Books. It tiim redakteurs en útjouwers dat de publikaasjes ûnder de Ace-ymprint fersoarget is itselde as dy't dat docht foar Roc, hoewol't de beide ymprints fierders folslein selsstannich bleaun binne.[1]

Roc hat grutte nammen yn science fiction en fantasy útjûn, lykas Isaac Asimov, Carol Berg, Anne Bishop, Jim Butcher, Diana Pharaoh Francis, Guy Gavriel Kay, E.E. Knight, Juliet Marillier en Dennis L. McKiernan.

Keppelings om utens[bewurkje seksje | boarne bewurkje]

Boarnen, noaten en referinsjes[bewurkje seksje | boarne bewurkje]

Boarnen, noaten en/as referinsjes:
  1. Amberstone, Celu, An Interview with Editor John Morgan, 2005.

Foar boarnen en oare literatuer, sjoch ûnder: References, op dizze side.