Roanerwâlde

Ut Wikipedy
Gean nei: navigaasje, sykje
Jabikstsjerke fan Roanerwâlde
Wynmûne Woldzigt

Roanerwâlde, offisjeel: Roderwolde (Drintsk: Rowol) is in doarp yn de provinsje Drinte, fallend ûnder de gemeente Noordenveld.

Demografy[bewurkje seksje | edit source]

Mei it oanbuorjende Sandebuer hat it sa'n 500 ynwenners, wêrfan it meastepart forins is.

Geografy[bewurkje seksje | edit source]

Meidat it doarp gjin grutte trochgeande diken hat is het alâlde lanlike karakter foar in grut part behâlden bleaun. Roanerwâlde leit oan de âlde ferbiningswei fan Roan nei de stêd Grins. Troch de oanlis fan de nije wei tusken Peize en Grins oan de ein fan de njoggenetjinde ieu ferlear Roanerwâlde dizze funksje.
In bysûnder skaaimerk fan Roanerwâlde is dat it doarp yn de ôrûne ieuwen ferhuze is. Soks is te sjen oanit plak fan it hôf dat hast in kilometer bûten it doarp leit. De tsjerke dy't der midden yn stie, is fersetten nei in nije sintrum fan Roanerwâlde. Op âlde kaarten is te sjen dat it dorp ea om dit begraafplak lei.

It besjen wurdich[bewurkje seksje | edit source]

Woldzigt[bewurkje seksje | edit source]

Blikfanger yn it doarp is de grutte wynmûne Woldzigt út 1852 dy't noch geregeldwei yn it wurk stiet. Unyk oan dizze mûne is wol dat er foar it mealen fan nôt brûkt wurde kin mar ek foar it slaan fan oalje. Der is ek faak wat te rêden yn de mûne.

Jabikstsjerke[bewurkje seksje | edit source]

De lytse wite Jabakstjskerke waard boud yn 1831. It âlde tolfde-ieuske tsjerkje by Sandebuur waard doe ôfbrutsen. Foar de bou fan it spitske waarden eartiids de stiennen fan de midsieuske tsjerke brûkt. Fan it âlde tsjerkegebou binne allinnich noch it sânstienen doopfont út 1560, de tsjerkeklok út 1634 en de tsjerkebeker út 1651 bewarre bleaun.

Haven[bewurkje seksje | edit source]

Sicht op haven mei mûne yn maart 2007

It haventsje fan Roanerwâlde waard op freed 19 maaie 2006 ûnder barre waarsomstannichheden weriepene. Foar de opkomst fan transport oer de dyk wie dit haventsje, en dêrmei de farferbining oer it Peizerdjip fan libbensbelang foar it doarp. Sa waarden benei alle produkten foar en fan de mûne Woldzigt troch it beurtskipperslaach Belga oer it wetter fefierd. Nei de oanlis fan in ferhurde wei nei Grins yn 1934 ferruile Belga de skippen foar frachtweinen. De haven rekke mear en mear yn ûnbrûk en waard úteinlik yn 1964 tichtsmiten. Op it frijkommende stik grûn boude transportbedriuw Belga in loads. Neidat de loads yn 1999 ôfbaarnde ferpleatste Belga syn bedriuw nei Roan. Al gau gienen stimmen op om it haventsje wer yn eare te werstellen. Op inisjatyf fan Doarpsbelangen waard in wurkgroep ynsteld en mei ûndersteuning fan de Brede Oerlisgroep Lytse Doarpen waard de rekonstruksje ûndersocht en tarieden.

Nei ferwachting sil it haventsje nije ympulsen biede foar toerisme. Bykommend foardiel is de betsjutting as bluswetterfoarsjenning foar in brângefoelich objekt as de tichtbysteande mûne.

De Kleibosk[bewurkje seksje | edit source]

Dit natoergebiet leit ten suden fan it doarp en is ien fan de pear restanten fan it Drintske Wâld.

Boarnen, noaten en referinsjes[bewurkje seksje | edit source]

Boarnen, noaten en/as referinsjes:

Gemeentlike side oer Roanerwâlde



Gemeente Noardenfjild
Haadplak | Roan |
Oare kearnen | Altena | Altevear | Een | Een-West | Feanhuzen | Langelo | Leutingewâlde | Lieveren | Matsleat | Nijtap | Nij-Roan | Noarch | Peest | Peize | Peizermade | Peizerwâlde | Roaneres | Roanerwâlde | Sandebuer | Stienbergen | Terheijl | Westerfjilde | Súdfjilde |
wizigje