Roan

Ut Wikipedy
Gean nei: navigaasje, sykje
Lizzing Roan yn de gemeente Noardenfjild

Roan (Ned.: Roden) is in esdoarp yn it noarden fan Drinte, sa'n 15 km ten súdwesten fan de stêd Grins. Oant 1 jannewaris 1998 wie Roan in selsstannige gemeente. By de lêste gemeentlike weryndieling fan Drinte gie de gemeente op yn de gemeente Noardenfjild. Roan hat in sintrumfunksje, mei in soad yndustry en in grut oantal winkels en telt goed 15.000 ynwenners. Cordis wie fan 1968 - 2008 in grutte wurkjouwer yn Roan.

Brink[bewurkje seksje | edit source]

Hoewol't Roan fanâlds in echt Drintsk brinkdoarp is, is der fan de âlde brink net folle mear oer. Hast hielendal bestrate wurdt it beseame mei kenmerkende gebouwen wêrfan de tsjerke it meast opfalt. Dizze brink is it plak dêr't meardere kearen jiers in merk hâlden wurdt. Op de brink stiet in stânbyld fan Ot en Sien. Yn 2005/2006 is it winkelsintrum nei in grutte febouwing frijwat feroare.

Roanermerk[bewurkje seksje | edit source]

Elke fjirde tiisdei fan septimber is de Roanermerk. Dit is fanâlds in fee- en diskemerk, mar troch it weromrinnend oanbod fan fee is it benammen in diskemerk. De merk lûkt in soad besikers út de omjouwing. Om dizze merk wurdt in grut tal eveneminten hâlden, wêrûnder de de finale fan de Miss Noard Ferkiezing, in merke, gersbaanraces foar motors (om de Gouden Helm) op snein en in optocht mei fersierde weinen op sneon, de Roanermerkparade. Op woansdei is der in koartebaandraverij op de Norgerwei dy't hjirta bedekt wurdt mei sân.
De Roanermerkparade bestiet út in optocht fan muzykkorpsen en fersierde weinen. Dizze weinen wurde boud troch wykferienings, organisaasjes as de brânwar en skoallen yn Roan en omkriten. De moaiste weinen wurde beleanne mei prizen.

Erfgoed[bewurkje seksje | edit source]

Lângoed Mensinge[bewurkje seksje | edit source]

Mensinge
Katarinatsjerke fan Roan

Oan de súdeastkant fan de âlde buorren stiet havezate Mensinge met grêften en greiden der omhinne. It hûs mei lângoed is sa'n 5,5 hektare grut en sûnt 1985 net mear yn partikulier besit mar eigendom fan de gemeente. It waard stichte yn 1381 en de foarname eigeners hawwwe in foaroansteande rol spile yn de skiednis fan Roan en omkriten. Tsjintwurdich is it diels museum en diels yn gebrûk troch bedriuwen. Op it lângoed sit yn de eardere pleats 'Winsinghhof' in kultureel sintrum. Oan it lângoed grinzet it natoergebiet Mensinge mei frij tagonklike grutte bosken.

Tsjerke[bewurkje seksje | edit source]

Al om it jier 800 wienen omreizgjende muontsen dwaande mei de fersprieding fan it kristendom. Yn Vries stie yn 775 al in kapel. Yn 1139 wie yn Roan in dochtertsjerke fan de Bonifatiustsjerke fan Vries. It oansjen fan de Roaner Brink wurdt bepaald troch de yn de 13e ieu boude Katharinatsjerke, dy't wijd waard oan de hillige Katarina. It âldste diel fan de tsjerke is it skip, dat út de 13e ieu komt. It prysterkoar komt út de 15e ieu. Neffens it testamint fan Maria Catharina Hoppinck út 1776, waarden 10.000 karolusgûnen ta foldwaan jûn foar de bou fan in oargel. It oargel waard boud troch Albertus Antoni Hinsz (1704-1776), in Dútse oargelbouwer.

Koaren en muzykferienings[bewurkje seksje | edit source]

  • De Schola Gregoriana Roan en it Roaner Jongeskoar
  • Muzykferiening Noardenfjild, benammen bekend fan Showband Noardenfjild
  • Enthousiasmos (jongereinkoar)

Bekende Roaners[bewurkje seksje | edit source]

Stânbyld fan H. Scheepstra, makker is Kiki Meyer

Sportfoarsjennings[bewurkje seksje | edit source]

Justjes bûten it doarp, yn de rjochting fan Steenbergen, leit it Baansportsintrum Steenbergerveld. Dit kompleks, geskikt foar ynternasjonale langebaanraces, kaam yn septimber 2003 klear. It hat in gersbaan, in gravelbaan (de meast brûkte baan) en in sândbaan yn de midden. Mooglik komt dêr mei de tiid in speedwaybaan. Roan hat ek in hockeyklup en in golfbaan.

Boarnen, noaten en referinsjes[bewurkje seksje | edit source]

Boarnen, noaten en/as referinsjes: