Rembrandt Award

Rembrandt Award
algemiene ynformaasje
nasjonaliteit	Nederlânsk
útrikt foar	film
útrikt troch	Rembrandt Awards Foundation
frekwinsje	1x jiers
datum	maart
plak	Amsterdam (Noard-Hollân)
1e útrikking	1993
offisjele webside
therembrandtawards.com

De Rembrandt Award is de iennichste Nederlânske publykspriis foar films, dy't sûnt 1993 útrikt wurdt. De priis is ferneamd nei Nederlâns grutste keunstskilder, Rembrandt Harmens van Rijn (1607-1669). Fan 1999 oant 2006 fûn der gjin útrikking plak, en it liek dien te wêzen mei dizze prizen, oant presintator en film-afficionado René Mioch it spul nij libben yn blies. Dêrtroch koe yn 2007 de njoggende útrikkingsseremoanje holden wurde. Mioch is noch altiten yngeand by de Rembrandt Awards belutsen; hysels stalt mei in faksjuery in list gear fan nominearre films en akteurs yn in ferskaat oan kategoryen, wêrnei't it publyk dêr syn stim op útbringe kin.

Lju dy't alris in Rembrandt Award wûn hawwe, binne û.m. Carice van Houten, Johnny Depp, Meryl Streep, Keira Knightly, Ilse DeLange, Willeke van Ammelrooy, Brad Pitt, Sandra Bullock, Angelina Jolie, Rutger Hauer, Natalie Portman, Colin Firth, Angela Schijf, Linda de Mol en Leonardo DiCaprio. Foar in list mei alle winners fanôf 2007, sjoch op dizze side, op 'e Nederlânske Wikipedy.

Kategoryen

aktearkategoryen

• bêste Nederlânske akteur
• bêste Nederlânske aktrise
• bêste bûtenlânske akteur
• bêste bûtenlânske aktrise

produksjekategoryen

• bêste Nederlânske film
• bêste bûtenlânske film
• bêste bernefilm
• bêste regisseur
• bêste sinematografy
• bêste kostúmûntwerp
• bêste filmmuzyk

spesjale prizen

• Rembrandt Inspiration Award
• Rembrandt Masters Award
• Rembrandt Fellowship
• Rembrandt Best Young Actor Award
• Rembrandt Rising Star Award
• Rembrandt Dutch Honorary Award

Keppelings om utens

• (in) Offisjele webside fan 'e Rembrandt Awards

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.