Raard
|
|||||
 |
|||||
| Gemeente | Dongeradiel | ||||
| Ynwennertal (2004) | 240 | ||||
| Webstee | [] | ||||
Raard is in terpdoarp yn de gemeente Dongeradiel. Raard wurdt wolris betize mei Raerd yn Boarnsterhim.
Ynhâld |
[bewurkje seksje] Oarsprong
Raard is in âld doarp. Der wurdt tocht dat hjir al inkele ieuwen foar it begjin fan de jiertelling minsken wenne hawwe.
De terp is ek hjir foar in part ôfgroeven. Oan de noardkant, by de sa om 1870 hinne oanleine Van Kleffenswei nei Lichtaard, is dat hiel dúdlik te sjen. Der kaam sa sels romte foar in iisbaan.
[bewurkje seksje] Namme
Mei de namme Raard kin je ferskate kanten út: It kin 'reade terp' betsjutte; oaren tinke oan it âlde Fryske wurd 'hrriäd' dat yn it Nijfrysk reid betsjut. We komme dan op: 'reidterp'. In mooglikheid is Runwerd. Wy moatte hjirby tinke oan 'beskutting tsjin it rinnende wetter'. It soe ek noch kinne dat de namme ôflaat is fan it wurd 'rad' dat folksgearkomste betsjut. Dit soe der op wize kinne dat der in âlde tiden rjocht sprutsen is yn Raard.
[bewurkje seksje] Tsjerken
[bewurkje seksje] Herfoarme tsjerke
De tsjerke wie tawijd oan Jehannes de Doper. De toer is yn 1807 boud. De tsjerke sels is romaansk en moat yn de 13e ieu boud wêze. It koar is it âldste part. Yn'e tsjerke lizze grêfsarken en op it tsjerkhôf is in sark út 1662 fan Eelco Clasen toe Spryens. De tsjerke is ek yn Raard oerdroegen oan de Stifting Alde Fryske Tsjerken. It is no it OerKa Museum wurden. De keunstneresse Irene Verbeek brûkt it foar it eksposearjen fan har wurk.
[bewurkje seksje] Grifformearde tsjerke
De Marthatsjerke fan 1916 is in ûntwerp fan Ane Nauta.
[bewurkje seksje] It doarpswapen en -flagge
Yn it doarpswapen komt it symboal fan de patroanhillige foar. De letter W en it klaverblêd binne oernommen út it wapen fan de famylje van Kleffens. De streek troch it wapen en de flagge tsjut oan dat Raard tsjin de grins fan de gemeente oan leit.
[bewurkje seksje] De famylje van Kleffens
Oan de dyk nei Lichtaard lizze twa monumintale pleatsen, de Noard en de Súd Kleffens. De Van Kleffens hawwe lang hear en master yn Raard west. Sawol yn 't doarp as de gritenij spilen se net swak by. Letter hawwe se ek in rol yn Dokkum hân. Under de Dokkumer boargemasters en wethâlders wie faak in Van Kleffens. Eelco Nicolaas van Kleffens waard minister fan Bûtenlânske Saken yn it kabinet-Gerbrandy.
[bewurkje seksje] Mienskip
It doarpshûs hjit de Nije Pôle, it wurdt brûkt troch de feriening foar Doarpsbelang Boarnwert/Raard. Bernewird is de basisskoalle fan Raard.
[bewurkje seksje] Befolking
[bewurkje seksje] Ferskaat
- Oan de Dokkumer Ie stiet in Alvestêdebyld fan keunstner Evert van Hemert.
- De predikant en dichter François Haverschmidt, better bekend ûnder syn skûlnamme Piet Paaltjens, wie yn Raard predikant yn de perioade dat hy deselde funksje ek hie yn Foudgum.
[bewurkje seksje] Strjitten
Bannerhûs, De Buorren, De Tange, It Fintsje, Lindeleane, Lytse Buorren, Spriens, Van Kleffenswei.
