Popke Pieter Agter

Ut Wikipedy
Prinses Beatrix mei boargemaster Agter (1963)

Popke Pieter Agter (Utert, 18 septimber 1903It Hearrefean, 15 novimber 1969) wie in Nederlânsk boargemaster fan Assen. Hy wie lid fan de PvdA.

Agter studearre rjochten en waard yn 1946 lid fan de Deputearre Steaten yn Utert. Yn 1956 waard er direkteur fan de straffinzenis yn Grins. Op 16 april 1958 folge er Hugo Jozias de Dreu op as boargemaster fan Assen. Hy krewearre dêr foar in imago- en mentaliteitsferoaring fan Assen. De stêd moast mei de tiid mei en better foar himsels op doare te kommen. Hy nûge ûnder oaren it tydskrift Panorama út om Assen sels te ûnderfinen. Ier jierren 60 makke er him sterk foar it Plan Uitleg Kern, dat winkelkeatlings sa as HEMA en C&A oerhelle harren yn it sintrum te festigjen. Hy die teffens syn bêst om in MTS yn Assen te krijen, mar dat slagge him (en ek syn opfolger Grolleman) net. Fierder wie Agter meiferantwurdlik foar de komst fan it kantoar fan de NAM nei Assen (1967).

Yn 1968 gong Agter mei pinsjoen. Hy stoar in jier letter en waard beïerdige yn Nijskoat. Yn Assen waard de Burgemeester Agterstraat nei him ferneamd.

Boarnen, noaten en referinsjes[boarne bewurkje]

Boarnen, noaten en/as referinsjes: