Pitersbierrum

Pitersbierrum
Sint-Piterstsjerke
Polityk
Lân	Nederlân
provinsje	Fryslân
gemeente	Waadhoeke
Sifers
Ynwennertal	155 (1 jannewaris 2023)
Oerflak	5,83 km², wêrfan: - lân: 5,74 km² - wetter: 0,09 km²
Befolkingsticht.	25 ynw./km²
Oar
Koördinaten	53° 12' N 5° 28' E
Offisjele webside
Webstee Seisbierrum-Pitersbierrum
Kaart

Pitersbierrum is it meast westlike doarp fan de gemeente De Waadhoeke. Pitersbierrum leit noardeastlik fan Winaam, westlik fan Seisbierrum en besuden de Waadsee. De doarpskearn fan Pitersbierrum leit benammen om de Fan Hottingawei, dêr’t ek de tsjerke stiet. De op de westlike grins fan de himrik lizzende buorskip Roptasyl heart foar in part ek by Pitersbierrum.

Op 1 jannewaris 2023 hie Pitersbierrum 155 ynwenners.

Skiednis

It twadde diel fan de doarpsnamme stamt fan it Aldfryske bêre, dat skuorre of hûs betsjut. Sint-Piter (Petrus) wie de patroanhillige fan de tsjerke en de namme kin dus as "Hûs fan Petrus" útlein wurde. Mooglik foarme Pitersbierrum mei Seisbierrum it âlde en net mear besteande doarp Westerbierrum.

Hottingastate

Yn de 19e iuw waard ek de midsiuwske tsjerke ôfbrutsen en ferfongen troch in 19e-iuwsk gebou, dat in jiermannich letter yn 1843 by swier waar ôfbaarnde. Dêrnei waard de hjoeddeiske tsjerke boud, de toer folge letter yn 1878. West fan de Pitertsjerke stie it barokke slot Hottingastate. Hottingastate waard yn 1844 foar de sloop ferkocht.

Mei't yn 1909 it yn 1857 boude Walburgastate it gemeentehûs fan Barradiel waard, waard in lyts diel fan de himrik fan Pitersbierrum by Seisbierrum foege, sadat it gemeentehûs ek yn it haadplak stie. Nei de opheffing fan Barradiel yn 1984 waard de grûn wer oan 'e Pitersbierrum werom jûn. Walburgastate is sûnt 2008 yn gebrûk as Thomashûs.

Sûnt 2018 leit Pitersbierrum yn de gemeente De Waadhoeke, dêrfoar lei it yn de gemeente Frjentsjerteradiel en foar 1984 lei it doarp yn sawol de gritenij as de gemeente Barradiel.

Mienskip

Walburgastate

Pitersbierrum foarmet mei Seisbierrum in dûbeldoarp. De doarpen binne de lêste 60 jier oan elkoar fêstgroeid en diele it ferieningslibben, it tsjerklik libben en alle foarsjennings.

It doarpshûs It Waed fan de twa doarpen stiet yn Seisbierrum. Der wurdt wurke oan in nij Multy Funksjoneel Aktiviteitensintrum (2023).

Tsjerke

De Wikipedy hat ek in side Tsjerke fan Pitersbierrum.

• PKN-gemeente Seisbierrum-Pitersbierrum

Skoalle

• Prot.-kristlik basisûnderwiis De Skeakel (Seisbierrum)

Van Hottingawei-Tsjerkhôfspaed

Ferienings

Begraffenisferiening De Laatste Eer Drumfanfare Concordia Fûgelwacht Frjentsjer Fuotbalferiening AVC (webstee Gymnastykferiening Felicitas Iisbaanferiening Meiïnoar Ien Judoferiening Koka

Keatsferiening De Twa Doarpen Kaartferiening BKV Rederikerskeamer 'Ons Genoegen' Sixtus-Kantorij Sjonggroep New Sound Soas de Mir Tennisferiening WESP

(Sjoch foar de meast aktuele ynformaasje oer ferienings op de hiemside)

Befolkingsferrin

Jier	1840	1954	1959	1964	1969	1974	2003	2009
Ynwenners	380	363	303	296	225	205	172	146
Jier	2015	2020
Ynwenners	137	135

(Boarnen: 1840: Plaatsengids, 2015 en 2020: Alle Cijfers.)

Eardere herfoarme pastorij

Berne yn Pitersbierrum

• Jelte Eelsma (1539), Frysk frijheidstrider
• Jan Durks van der Mei (1887), dichter

Monuminten

• Tsjerke (1845), toer (1878) en pastorij (19e iuw, mooglik in diel 18e-iuwsk)
• Monumintale pleatsen: Hearewei 2, Hearewei 14, Hoarnestreek 7-9 (Gerbrandastate)
• Ienfâldich hûs tusken topgevels (1631) oan it Skippersdykje 1

Strjitten

Breed Plak, Hearewei, Hoarnestreek, Hoarpaad, Leane, Liauckamaleane, Skippersdykje, Van Hottingawei, Walburgastrjitte.

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

Webstee Pitersbierrum Webstee Pitersbierrum/Seisbierrum Doarpsbelang Webstee Pitersbierrum/Seisbierrum mei infoarmaasje Commons Wikimedia Commons  Ofbylden dy't by dit ûnderwerp hearre, binne te finen yn de kategory Pitersbierrum fan Wikimedia Commons.