Ostfriesische Lufttransport
| Ostfriesische Lufttransport | |
|---|---|
|
|
|
| Oprjochte | 1958 |
| IATA-Koade: | OL |
| ICAO-Kode: | OLT |
| Ropteken | OLTRA |
| Haadkertier | Emden, East-Fryslân |
| Wichtichste fleanhaven: | Bremen |
| Float | 15 fleanmasinen |
| Flechtgebiet | Jeropa |
De OLT (Ostfriesische Lufttransport; Eastfryske lofttransport) is in fleanbedriuw dat húsmannet yn Emden, East-Fryslân.
Ynhâld |
[bewurkje seksje] Skiednis
Yn 1958 waard de OLT yn Emden oprjochte troch Jan Jakobs Janssen en Martin Decker. Yn it earstoan fleach de OLT fan Emden nei de eilannen. Sûnt 1991 fleant de OLT ek fan Bremen nei ferskillende fleanfjilden yn Europa. Yn datselde jier begûn de OLT mei siketransport. De OLT is eigendom fan de rederij AG Ems yn Emden (74,9%) en FLN Frisia Luftverkehr (25,1%). Yn 2008 hie de OLT 118 meiwurkers.
[bewurkje seksje] Loftferbinings
De OLT fleant nei hast alle East-Fryske en Noard-Fryske eilannen ynklusyf Helgolân. Dêrneist fleant de OLT fan ferskillende fleanfjilden yn Dútslân en Switserlân nei it eilân Usedom op de Poalsk-Dútske grins. Binnen Dútslân wurdt nei ferskillende gruttere fleanfjilden flein. Foar de OLT is Bremen in hub nei oare fleanfjilden yn hiel Europa, dêrneist wurdt yn Bremen ûnderhâld dien oan de gruttere tastellen. Yn Europa hat de OLT as reisdoel Bristol, Brussel, Keappenhaven, Napels, Toulouse en Zürich.
[bewurkje seksje] Takomst
Der binne plannen om yn ‘e takomst fan it Fleanfjild Grins-Ealde, nei Keappenhaven en Brussel ta, in loftferbining op te setten.
[bewurkje seksje] Float
De Ostfriesische Lufttransport fleach yn 2010 mei de neikommende fleanmasinen:
- 2 Fokker 100 (100 sitplakken)
- 3 Saab 2000 (50 sitplakken)
- 2 Saab 340 (32/33 sitplakken)
- 3 Fairchild Metroliner (19 sitplakken)
- 1 Cessna 208 Grand Caravan (10 sitplakken)
- 3 Britten-Norman BN-2 Islander (9 sitplakken
- 1 Gippsland GA-8 Airvan (6 sitplakken)
- 1 Cessna 172 (3 sitplakken)
Dêrneist hat de OLT trije helikopters. De Bell 206L en de Eurocopter AS 355 binne foar ferskillende doelen te hier. Foar siketransport wurdt de Eurocopter AS 365 brûkt.
[bewurkje seksje] Nijsgjirrich
Yn desimber 2005 begûn easyJet mei in deistige ferbining tusken Bristol en Hamboarch. De OLT fleach ek al op dyselde liny, mar dan inkeld troch de wike en twa kear deis. Sakelju keazen foar de OLT omdat dy faker fleach as easyJet. EasyJet hold yn oktober 2006 op mei fleanen op de liny Bristol-Hamboarch.[1]
[bewurkje seksje] Keppeling om utens
| Boarnen, noaten en/as referinsjes: |
|
