Oaljefanten

Ut Wikipedy
Savanne-oaljefant yn in dieretún

De Oaljefanten (Elephantidae) binne in famylje fan sûchdieren yn it skift fan de Slurfdieren (Proboscidea). De namme wurdt ek wol brûkt foar gâns it skift omdat dat mar ien famylje hat.

Untwikkeling[bewurkje seksje | boarne bewurkje]

Oaljefantfoetôfdruk nommen yn it Nasjonale Park Chobe (Botswana)

Oaljefanten, hoe grut se ek binne, binne yn it Tertiêr mei de Seekij evoluearre út de Klipdaske. De moderne oaljefantsoarten binne likernôch fjouwer meter heech en wage sa'n 5.000 (Aziatyske Oaljefant) oant 7.000 (Savanne-oaljefant) kilo. De noas is útwoeksen ta in slurf, dy't de oaljefanten as in lidmaat mear brûke. Dit hawwe se nedich omdat de fjouwer grouwe poaten allinich noch foar it dragen fan har swiere liif boud binne.

Hjoed de dei[bewurkje seksje | boarne bewurkje]

De Aziatyske oaljefant waard oant foar koart noch in soad brûkt by swier wurk, en hie dêrby in funksje lykas yn Jeropa it hynder. De Afrikaanske oaljefanten lieten harren net foar minskewurk ynsette.

Alle soarten waarden oant yn dizze tiid bejage om harren ivoar; strikte konvinsjes, dêr't de measte lannen harren oan hâlde, hawwe dêr fierhinne in ein oan makke. De Afrikaanske oaljefanten stean byelkoar op 600.000 eksimplaren en foarmje hjir en dêr alwer in pleach; de Aziatyske soarte hat noch mar 40.000 fertsjintwurdigers en docht it net sa goed.

Klassifikaasje[bewurkje seksje | boarne bewurkje]

Sjoch ek[bewurkje seksje | boarne bewurkje]