Naheed Nenshi

Ut Wikipedy
Gean nei: navigaasje, sykje
Naheed K. Nenshi

Naheed K. Nenshi (2 febrewaris 1972, Toronto, Kanada) is in Kanadeeske politikus. Nenshi is yn de ferkiezings fan 2010 keazen ta boargemaster fan Calgary. [1]

Nenshi waard grut yn Calgary. Syn âlders ymmigrearren út Tanzania. Hy helle in master's degree fan Havard, hat syn eigen advysburo en wie in professor oan Mount Royal Universiteit yn Calgary.

Yn 2004 besocht er om yn de gemeenterie fan Calgary in plakje te winnen, mar dat mislearre. Foar de ferkiezing ta boargemaster yn 2010 makke hy in protte gebrûk fan sosjale media as Facebook en Twitter en berikte dêrmei in protte jonge kiezers. Hy wûn mei 40% fan de stimmen. De kandidaat op it twadde plak krige 32%.

Nenshi is de earste boargemaster yn Kanada mei in Ismaili moslim eftergrûn. Dat spile lykwols gjin inkele rol yn de oanrin nei de ferkiezings. Syn ferkiezing wurdt beskôge as in wichtige ferskowing yn it politike lânskip fan de provinsje Alberta en it karakter fan Calgary. [2]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. (in) Libbensrin.
  2. (in) Ferskowing yn it politike lânskip.