Mendota (Minnesota)

Ut Wikipedy
Mendota
De strjitwei yn Mendota.
De strjitwei yn Mendota.
Polityk
Lân Feriene Steaten
Steat Minnesota
County Dakota County
Sifers
Ynwennertal 198 (2010)
Oerflak 0,8 km² (ynkl. wetter)
0,7 km² (allinnich lân)
Befolkingsticht. 283,1 / km²
Hichte 234 m
Oar
Stifting 1825
Tiidsône UTC-6
Simmertiid UTC-5
Koördinaten 44°53′08″N 93°09′38″W
Offisjele webside
www.cityofmendota.org
Kaart
De strjitwei yn Mendota.
De lizzing fan Mendota yn Dakota County en yn 'e steat Minnesota.

Mendota (útspr.: [mɛn'do:utǝ]) is in offisjele stêd yn Dakota County, yn it súdeasten fan 'e Amerikaanske steat Minnesota. De namme komt fan it Dakota-wurd foar "dêr't it wetter gearfloeit", wat slacht op 'e lokaasje, op it punt dêr't de rivier de Minnesota útmûnet yn 'e Mississippy. Neffens gegevens fan 'e folkstelling fan 2010 lei it ynwennertal fan 'e "stêd" doe op krapoan 200 minsken.

Skiednis[bewurkje seksje | boarne bewurkje]

Mendota waard stifte yn 1825, en wie ien fan 'e earste permaninte blanke delsettings op it grûngebiet fan wat no de steat Minnesota is. De Sint-Petrustsjerke fan Mendota is de âldste tsjerke fan 'e steat, en datearret út 1840. Yn 't earstoan wie it stedsje in hannelspost fan 'e Amerikaanske Bûntkompanjy (American Fur Company), de Amerikaanske wjergader fan 'e bekendere Britske Hudsonbaaikompanjy. Ferskate gebouwen út dy tiid, no monuminten dy't mei-inoar in museum foarmje, hâlde de oantins oan dy dagen noch yn libben.

De Sint-Petrustsjerke fan Mendota.

Demografy[bewurkje seksje | boarne bewurkje]

Neffens gegevens fan 'e folkstelling fan 2010 wie doe fan 'e befolking fan Mendota 10,1% âlder as 65 jier en 26,8% jonger as 18 jier. Fierders bestie 33,3% fan 'e húshâldings út ien persoan, wylst neffens âldere gegevens, fan 'e folkstelling fan 2000, doe 1,3% fan 'e befolking ûnder de earmoedegrins libbe. Wat de etnyske opbou fan 'e befolking oangiet, dy wie yn 2010 sa: 87,9% blanken; 3,5% Latino's; 2,0% Aziaten; 1,5% Yndianen; 1,5% swarten; 3,6% oaren of fan mingd etnysk komôf.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.