Mauritaanje
Ut Wikipedy
|
|||||
 |
|||||
| Offisjele taal | Arabysk | ||||
| Haadstêd | Nouakchott | ||||
| Steatsfoarm | Islamytyske republyk | ||||
| Gebiet | 1.030.700 km² | ||||
| Ynwenners (2004) | 3,0 miljoen | ||||
| Munt | Ouguiya (MRO) | ||||
| Tiidsône | UTC +0 | ||||
| Nasjonale feestdei | 28 novimber | ||||
| Lânkoade | MRT | ||||
| Ynternet | .mr | ||||
| Tillefoan | 222 | ||||
Mauritaanje, folút de Islamityske republyk Mauritaanje, is in lân yn Afrika.
Ynhâld |
[bewurkje seksje] Geografy
[bewurkje seksje] Lizzing
It lân wurdt begrinzge troch:
- De Westlike Sahara yn it noardwesten;
- Algerije yn it noardeasten;
- Maly yn it súdeasten;
- Senegal yn it súdwesten;
- De Atlantyske Oseaan yn it westen.
[bewurkje seksje] Lânskip
Efter de Atlantyske kust lizze grutte flakten en wiidweidige plato's mei steppefegetaasje. It grutste diel fan it lân wurdt yn beslach nommen troch de Sahara mei sân- en rotswoastinen. De heechste gebieden fan Mauretaanje binne de plato's fan Adrar en Tagant op sawat 500 meter hichte.
It klimaat is tige skrok en allinnich yn it uterste suden by de rivier de Senegal lâns kin savannes waakse mei palmen en beammen. De stêden Chinguetti, Oulata, Tichit en Oudane binne fan ienich toeristysk belang. Oan de kust leit it fûgelreservaat Djoudj en it nasjonaal park Banc d'Arguin.
[bewurkje seksje] Skiednis
Al yn de 11e ieu wie Mauritaanje in islamitysk lân. Yn 1902 waard it ferovere troch Frankryk dy't it tafoege oan harren Frânske koloanje West-Afrika. Nei de ûnôfhinklikens fan Frankryk yn 1960 oermastere Mauritaanje it súdlike part fan de doetiidske Spaanske Sahara yn 1976. Troch de jierrenlange striid tsjin de guerrilla Polisario moast Mauritaanje de eardere Spaanske Sahara belies jaan (tsjintwurdich de Westlike-Sahara.
Presidint Taya hat in skoftlang tusken 1984 en 2005 regeare oer Mauritaanje. Hy kaam op 12 desimber 1984 troch in steatsgreep oan de macht. Under syn regear waarden yn 1992 ferkiezings hâlden dêr't hy der by yn slagge in mearderheid fan stimmen te beheljen. Yn juny 2003 waard der tsjin him in steatsgreep besocht dy't lykwols mislearre. Hy waard yn novimber datselde jier opnij werkeazen as presidint foar in nij tiidrek fan seis jier, mar op 3 augustus 2005 waard hy lykwols ôfset mei help fan de militêren. In protte boargers hawwe syn presidintskip as diktatoriaal belibben.
Nei de machtsgreep waard kolonel Ely Ould Mohamed Vall de nije presidint fan Mauritaanje. Under syn regear waarden twa jier letter demokratyske ferkiezings hâlden. Dizze ferkiezings waard wûn troch Sidi Ould Sjeikh Abdallahi dy't op 26 maart 2007 de nije presidint waard.
[bewurkje seksje] Demografy
[bewurkje seksje] Befolking
In tredde fan de befolking is Moarsk komôf, in mingeling fan Arabieren en Berbers, in tredde wurdt rekkene ta de Negers, it swarte part fan de befolking en it oare part is wer in mingeling fan Moaren en Negers.
[bewurkje seksje] Religy
Wat de godstsjinst yn it oanbelanget is wat de hiele befolking moslim en binne der mar in pear tûzen kristenen.
[bewurkje seksje] Ekonomy
Troch oanhâldende droechte is it oandiel fan de tradisjoneel nomadyske befolking tebek rûn en beheine. De fersteedliking is fierder tanommen en mar 0,2 persint fan in lân geskikt foar lânbou. Fruchtbere boulân leit by de Senegal lâns en yn oases en wadys yn it suden. It wurdt lytsskalich beboud en leveret allinnich it heechst needsaaklike. Yn de súdlike steppegoardel wurdt dien oan feefokkerij. De seefiskerij smiet it measte op troch de eksport nei oare lannen.
