Marten Hamkes

Marten Hamkes, ek: Martinus Hamconius of Marten Hamckema (Follegea, ±1550 - 1620 wie in skiedskriuwer.

Hamkes wie roomsk en keningsgesind en kaam ta hege amten, mar waard trije kear troch steatsgesinden ferdreaun. Hy hâldt syn striid fol mei de pinne (Certamen Catholicorum cum Calvinistis, Munster 1607) en mei it swurd. Yn syn wurken, dy't oanslute by syn apokrife skiedskriuwing, falle de monargaal-katolike ynslach en de folkloristyske trekjes op.

Bibliografy

• Frisia seu de viris robusque Frisiae illustribus (Monasterii Westph. 1609, Frjentsjer 1620 mei in foarwurd fan Albertus van Oostenrijk en mei foarwurd fan Pier Winsemius oan de Steaten fan Fryslân. (werprintinge Amsterdam 1623)
• Verthoninge der coninghen, bisschoppen.. van Vrieslandt... (Frjentsjer, 1617 en Vrije Fries 1844)

Boarnen, noaten en referinsjes

Boarnen, noaten en/as referinsjes:

Brouwer, J.H., J.J. Kalma, W. Kok en M. Wiegersma, red., Encyclopedie van Friesland, (Amsterdam: Elsevier, 1958), Hamconius, Martinus