Marcus Lycklama à Nijeholt

Ut Wikipedy
Gean nei: navigaasje, sykje
Marcus Lycklama à Nijeholt

Marcus Lycklama à Nijeholt (17 jannewaris 1573 - 9 augustus 1625) wie in bestjoerder, abbekaat en heechlearaar. Hy wie de pakesizzer fan Lyckle Eables, stamheit fan de famylje Lycklama à Nijeholt.

Lycklama à Nijeholt studearre rjochten oan de Universiteit fan Frjentsjer. Fan 1604 oant 1610 wie er dêr heechlearaar (pandekten). Yn 1610 waard er kurater fan de Frjentsjerter Akademy. Ek waard hy grytman fan Eaststellingwerf en meardere kearen lid fan de Steaten Generaal en de Rie fan Steate. Yn 1623 waard hy de grytman fan Weststellingwerf. Yn ambassade nei Denemark (1621). Neist dizze funksjes hat hy ûnder oare ek advokaat yn Ljouwert west. De Republyk Feneetsje beneamde him ta ridder yn de oarder fan St. Markus.

Yn 1609 is Lycklama à Nijeholt troud mei Perck van Goslinga, sy krigen gjin bern. Hy leit begroeven yn de tsjerke fan Nijeholtpea.

Hy hat in tal juridyske geskriften skreaun.

Boarnen, noaten en referinsjes[bewurkje seksje | edit source]

Boarnen, noaten en/as referinsjes: